Fjalimi i ish ministrit të Jashtëm Ditmir Bushati ditën e djeshme në Kuvend habiti opozitën dhe nuk ishte aspak i pritur nga mazhoranca.
Nga folttorja, Bushati nuk kurseu asnjë, duke pranuar se ‘Shqipëria është në udhëkryq’ dhe këto 30 vite sipas tij politika vetëm ka bërë baltën mullarë.
Ndërkohë, fjala e tij ka bërë jehonë edhe në mediat e huaja. Deutsche Welle i ka kushtuar një artikull asaj çka ndodhir dje në vend, dhe është përqendruar tek fjalimi i ish kryediplomatit.
“Ndërsa jashtë godinës së Parlamentit zhvillohej protesta e opozitës, seanca plenare brenda tij u përqëndrua në zgjidhjen e krizës politike dhe në zgjedhjet lokale të 30 qershorit. Ish-Ministri për Europën dhe Punët e Jashtme, deputeti socialist, Ditmir Bushati tha se ” Shqipëria është në udhëkryq, nga një krizë e madhe politike dhe sociale, ku ulja në bisedime për të gjetur udhën e arsyes dhe jo të arrogancës, është emergjente”. Ai bëri prezent shqetësimin ” që pasuria e vendit është në dorën e një grupi të vogël njerëzish””, shkruhet në artikullin e DW.
