Pas përfundimit të procesit zgjedhor të 30 qershorit, kryeministri i vendit Edi Rama u tregua i hapur që të bashkëpunojë me kryedemokratin Lulzim Basha për të zgjidhur krizën politike në vend.
“Politika duhet të bëjë punën e saj për të bashkuar vendin. Por sigurisht, tangoja vallëzohet dyshe. Shpresoj që miqtë tanë në opozitë të reflektojnë për këtë dhe të kuptojnë që ajo çfarë bënë ishte një katastrofë për vetë ata”.
Të dielën pas mbylljes së kutive të votimit, Kryeministri ftoi opozitën për dialog pa kushte, si shprehje të vullnetit për t’u angazhuar për çeljen e negociatave të anëtarësimit në Bashkimin Evropian.
