Shembje shtëpish dhe dëme të tjera materiale nga lëkundje e tërmetit në juglindje të vendit

Mbi 20 lëkundje janë ndjerë dje në Juglindje të Shqipërisë, pas tërmetit 5.3 ballë,  duke shkaktuar dëme të konsiderueshme materiale.

Frika vijon të jetë prezente pasi prej orës 00:35 minuta deri në 09:00 të mëngjesit të sotëm janë regjistruar 6 lëkundje me magnitudë deri në 3.5 ballë.

Emergjencat Civile njoftojnë se 230 banorë në Korçë, pjesë më e madhe në fshatin Floq e kanë kaluar natën jashtë në çadrat që u ngritën nga Forcat e Armatosura.

“Janë evidentuar 184 banesa të dëmtuara, 60% e të cilave të pabanuara. 230 banorë janë strehuar në çadrat kolektive të ngritura, 160 në Floq, 40 në Vidovë dhe 30 në Qafëzes. Deri me tani raportohet për 8 kabina elektrike të dëmtuara nga tërmeti”, njoftojnë Emergjencat Civile.