Një ngjarje e rëndë raportohet të ketë ndodhur në Rumani ditën e sotme. Mësohet se oficeri i kontaktit Ervin Dervina dhe bashkëshortja e tij kanë ndërruar jetë në një aksident.
41-vjeçari ishte në detyre si oficer pranë Qendrës për Zbatimin e Ligjit në Europën Juglindore SELEC.
Njoftim për shtyp i Policisë së Shtetit:
Sot në Rumani, si pasojë e një aksidenti automobilistik, ka humbur jetën Ervin Dervina, Oficer i Kontaktit i Shqipërisë pranë Qendrës për Forcimin e Ligjit në Evropën Juglindore (SELEC), si dhe bashkëshortja e tij, shtetase rumune.
Policia e Shtetit shpreh dhimbjen dhe solidaritetin për familjarët e 41-vjeçarit dhe bashkëshortes, për humbjen e papritur dhe të parakohshme të të afërmve të tyre, si dhe është e angazhuar maksimalisht dhe në bashkëpunim të vazhdueshëm me autoritetet rumune për zbardhjen e shkaqeve të aksidentit.
