{"id":9105,"date":"2019-04-18T07:39:09","date_gmt":"2019-04-18T05:39:09","guid":{"rendered":"http:\/\/redaktori.com\/?p=9105"},"modified":"2019-04-18T07:39:09","modified_gmt":"2019-04-18T05:39:09","slug":"sa-pak-vlen-paga-minimale-ne-shqiperi-me-e-uleta-ne-europe","status":"publish","type":"post","link":"https:\/\/redaktori.com\/?p=9105","title":{"rendered":"Sa pak vlen paga minimale n\u00eb Shqip\u00ebri, m\u00eb e ul\u00ebta n\u00eb Europ\u00eb"},"content":{"rendered":"

Paga minimale n\u00eb Shqip\u00ebri \u00ebsht\u00eb 211 euro, nd\u00ebrsa n\u00eb Maqedoni 240 euro, sipas t\u00eb dh\u00ebnave t\u00eb Eurostat, q\u00eb i referohen janarit 2019. Por, ndon\u00ebse n\u00eb vler\u00eb absolute, paga minimale n\u00eb Shqip\u00ebri \u00ebsht\u00eb sa 89% e asaj n\u00eb Maqedoni, nj\u00eb individ me nj\u00eb pag\u00eb minimale n\u00eb Shqip\u00ebri, mund t\u00eb blej\u00eb vet\u00ebm sa 75% e volumeve t\u00eb mallrave dhe sh\u00ebrbimeve q\u00eb blihen n\u00eb Maqedoni.<\/p>\n

Shqip\u00ebria ka jo vet\u00ebm pag\u00ebn m\u00eb t\u00eb ul\u00ebt n\u00eb rajon dhe BE n\u00eb vler\u00eb absolute, por sidomos diferenca \u00ebsht\u00eb shum\u00eb e lart\u00eb sipas Standardeve t\u00eb Fuqis\u00eb Bler\u00ebse, nj\u00eb nj\u00ebsi e Bashkimit Europian, q\u00eb b\u00ebn t\u00eb mundur krahasimin midis shteteve, duke eliminuar diferencat e niveleve t\u00eb \u00e7mimit midis shteteve dhe duke matur sa nj\u00ebsi mallrash e sh\u00ebrbimesh mund t\u00eb blesh p\u00ebr t\u00eb nj\u00ebjt\u00ebn vler\u00eb parash.<\/p>\n

Ata q\u00eb paguhen me pag\u00eb minimale n\u00eb vendin ton\u00eb, blejn\u00eb m\u00eb pak volume t\u00eb mallrave dhe sh\u00ebrbimeve edhe se m\u00eb pak t\u00eb paguarit e rajonit. Kjo n\u00ebnkupton se paraja ka shum\u00eb m\u00eb pak vler\u00eb n\u00eb Shqip\u00ebri, p\u00ebr shkak t\u00eb \u00e7mimeve t\u00eb larta t\u00eb produkteve n\u00eb raport me t\u00eb ardhurat.<\/p>\n

Eurostat ka p\u00ebrllogaritur nivelin e pagave minimum n\u00eb vendet e Bashkimit Europian, vendeve kandidate, si dhe Turqis\u00eb dhe ShBA-s\u00eb, duke u bazuar n\u00eb Standardin e Fuqis\u00eb Bler\u00ebse PPS.<\/p>\n

N\u00eb 2019-n nj\u00eb shqiptar me pag\u00eb minimale, t\u00eb p\u00ebrcaktuar sipas ligjit, merr n\u00eb fund t\u00eb muajit 389 PPS. Paga minimale n\u00eb Shqip\u00ebri shprehur me Standardin e Fuqis\u00eb Bler\u00ebs \u00ebsht\u00eb sa 75% pag\u00ebs minimale n\u00eb Maqedonin\u00eb e Veriut.<\/p>\n

Me metod\u00ebn e Standardit t\u00eb Fuqis\u00eb Bler\u00ebse, paga minimale n\u00eb Maqedonin\u00eb e Veriut p\u00ebrllogaritet rreth 509 PPS n\u00eb muaj, n\u00eb Malin e Zi 525 PPS n\u00eb muaj, nd\u00ebrsa n\u00eb Serbi 578 PPS n\u00eb muaj.<\/p>\n

Sipas fuqis\u00eb bler\u00ebse, Turqia ka nj\u00eb pag\u00eb minimale rreth 3 her\u00eb m\u00eb t\u00eb madhe se Shqip\u00ebria. Eurostat ka llogaritur se paga minimale n\u00eb Turqi \u00ebsht\u00eb 1,177 PPS n\u00eb muaj. Kjo do t\u00eb thot\u00eb se me pag\u00ebn minimale n\u00eb Turqi mund t\u00eb blesh tre her\u00eb m\u00eb shum\u00eb volume mallrash dhe sh\u00ebrbimesh. Paga minimale n\u00eb Turqi \u00ebsht\u00eb 422 euro, pra dyfish sa ajo e Shqip\u00ebris\u00eb n\u00eb vler\u00eb absolute, por q\u00eb realisht vlen tre her\u00eb m\u00eb shum\u00eb.<\/p>\n

Eurostat i ka grupuar n\u00eb 3 grupe t\u00eb m\u00ebdha vendet an\u00ebtare t\u00eb Bashkimit Europian sipas nivelit t\u00eb pag\u00ebs minimale.<\/p>\n

<\/div>\n

N\u00eb grupin e par\u00eb jan\u00eb p\u00ebrfshir\u00eb vendet me pag\u00eb minimale t\u00eb ul\u00ebt. Bullgaria ka pag\u00ebn m\u00eb t\u00eb ul\u00ebt nd\u00ebr vendet an\u00ebtare, me 577 PPS n\u00eb muaj. M\u00eb pas renditet Letonia me 591 PPS, Estonia me 691 PPS, \u00c7ekia me 743, Sllovakia dhe Kroacia me 745 PPS dhe Hungaria me 765 PPS n\u00eb muaj.<\/p>\n

N\u00eb grupin e dyt\u00eb paga minimale varion nga 800-933 PPS n\u00eb muaj. N\u00eb k\u00ebt\u00eb grup p\u00ebrfshihen vendet si Greqia, Portugalia, Rumania, Malta, Spanja dhe Polonia.<\/p>\n

N\u00eb vendet me pagat m\u00eb t\u00eb lart\u00eb, ku sipas Eurostat varion nga 1059-1646, b\u00ebjn\u00eb pjes\u00eb vendet me industri t\u00eb zhvilluar. Luksemburgu ka pag\u00ebn m\u00eb t\u00eb lart\u00eb me 1646 PPS n\u00eb muaj, e ndjekur pas nga Gjermania me 1497 PPS dhe Holanda me 1442 PPS.<\/p>\n

N\u00eb Danimark\u00eb, Itali, Qipro, Austri, Finland\u00eb dhe Suedi, Eurostat ka shpjeguar se nuk ka nj\u00eb pag\u00eb minimale t\u00eb p\u00ebrcaktuar nga shteti.<\/p>\n

Standardi i Fuqis\u00eb Bler\u00ebse (Purchasing Power Standard PPS) \u00ebsht\u00eb nj\u00eb referenc\u00eb artificiale e nj\u00eb nj\u00ebsie monedhe t\u00eb p\u00ebrbashk\u00ebt, e p\u00ebrdorur nga Bashkimi Europian, e cila eliminon diferencat e niveleve t\u00eb \u00e7mimit midis shteteve. Pra, nj\u00ebsia mat\u00ebse PPS t\u00eb lejon q\u00eb t\u00eb blesh t\u00eb nj\u00ebjt\u00ebn sasi t\u00eb mirash dhe sh\u00ebrbimesh n\u00eb t\u00eb gjitha shtetet.<\/p>\n

Kjo nj\u00ebsi t\u00eb jep mund\u00ebsin q\u00eb t\u00eb krahasosh n\u00eb volum indikator\u00ebt ekonomik midis shteteve. Agregatet e shprehur n\u00eb PPS jan\u00eb t\u00eb p\u00ebrllogaritur duke pjes\u00ebtuar agregatin e shprehur n\u00eb \u00e7mime korrente dhe n\u00eb monedh\u00ebn komb\u00ebtare me Barazin\u00eb e Fuqis\u00eb Bler\u00ebse (Purchasing Power Parity PPP).<\/p>\n

Fakti q\u00eb monedha shqiptare ka pak vler\u00eb tregohet dhe tek t\u00eb dh\u00ebnat e tjera t\u00eb Eurostat, p\u00ebr shpenzimet p\u00ebr ushqime. Sipas k\u00ebtyre t\u00eb dh\u00ebnave, p\u00ebr Shqip\u00ebrin\u00eb, shpenzimet nominale p\u00ebr ushqime, p\u00ebrb\u00ebnin 31% t\u00eb prodhimit e brendsh\u00ebm bruto (GDP- q\u00eb mat prodhimin e ekonomis\u00eb n\u00eb nj\u00eb vit, apo dhe t\u00eb ardhurat q\u00eb sigurohen nga puna dhe pronat).<\/p>\n

N\u00eb krahasim me mesataren e Bashkimit Europian, shpenzimet p\u00ebr ushqime n\u00eb raport me at\u00eb q\u00eb prodhon ekonomia n\u00eb nj\u00eb vit jan\u00eb shum\u00eb m\u00eb t\u00eb larta. P\u00ebr mesataren e BE-s\u00eb, ky tregues \u00ebsht\u00eb vet\u00ebm 6% e GDP-s\u00eb, ku m\u00eb i larti \u00ebsht\u00eb n\u00eb Rumani, me 15.8% t\u00eb GDP-s\u00eb dhe m\u00eb i ul\u00ebti n\u00eb Irland\u00eb dhe Luksemburg me 2.7 dhe 2.6% t\u00eb PBB-s\u00eb.<\/p>\n

Edhe n\u00eb raport me vendet e tjera t\u00eb rajonit, shqiptar\u00ebt e Shqip\u00ebris\u00eb dhe Kosov\u00ebs e p\u00ebrdorin pjes\u00ebn m\u00eb t\u00eb madhe t\u00eb parave q\u00eb kan\u00eb n\u00eb dispozicion p\u00ebr t\u2019u ushqyer. P\u00ebr Serbin\u00eb, ky tregues \u00ebsht\u00eb 15.6% e GDP-s\u00eb, p\u00ebr Maqedonin\u00eb e Veriut 19% dhe m\u00eb i larti \u00ebsht\u00eb p\u00ebr Bosnj\u00ebn dhe Malin e Zi me p\u00ebrkat\u00ebsisht rreth 23-24% e GDP. P\u00ebr vendet kandidate dhe potenciale kandidate (pa p\u00ebrfshir\u00eb Kosov\u00ebn dhe Turqin\u00eb), mesatarja \u00ebsht\u00eb 19.7%.\/Monitor<\/p>\n

\n