![\"\"](\"http:\/\/flasshqip.ca\/images\/fotografi_lajme\/femijet\/Bedri_Dedja\/VleresimeperBD\/Andi-Bejtja.jpg\")
<\/p>\n
Do t\u00eb ket\u00eb qen\u00eb fundi i vitit 1987, kur babai m\u00eb tha: \u201cHajde t\u00eb shkojm\u00eb nga Pandora\u201d-k<\/em>\u00ebshtu thonim zakonisht kur shkonim p\u00ebr vizit\u00eb te familja Dedja,-se i kam \u00e7uar Bedriut disa nga poezit\u00eb e tua dhe do t\u00eb flas\u00eb\u201d.<\/em><\/p>\n Kishim miq\u00ebsi t\u00eb ngusht\u00eb dhe t\u00eb gjat\u00eb me familjen Dedja, por at\u00eb bot\u00eb, un\u00eb nuk d\u00ebshiroja asnjeri t\u2019i shikonte poezit\u00eb e mia, q\u00eb si\u00e7 ishin shprehur dhe disa t\u00eb tjer\u00eb q\u00eb i kishin par\u00eb ishin t\u00eb err\u00ebta, t\u00eb zymta, pesimiste dhe nuk shprehnin realietin. Madje, kisha dhe nj\u00eb lloj frike, pasi n\u00eb nj\u00eb tentativ\u00eb p\u00ebr t\u2019i botuar kisha ngr\u00ebn\u00eb dhe nje re\u00e7ens\u00eb, q\u00eb dikujt tjet\u00ebr mund t\u2019i kushtonte m\u00eb shtrenjt\u00eb.<\/p>\n \u201c\u00c7do m\u00eb thot\u00eb Bedriu<\/em>-thash\u00eb me vete,-shkrimtar i realizmit socialist, Taulanti, mendova p\u00ebr t\u00eb birin, mund t\u00eb m\u00eb kuptoj\u00eb m\u00eb mir\u00eb\u201d.<\/em>\u00a0Po teksa po ecja rrug\u00ebs drejt tij, po sillja nd\u00ebrmend disa nga librat e tij p\u00ebr f\u00ebmij\u00eb, si p\u00ebrshembull \u201cFatbardh Pikaloshin\u201d apo \u201cKalamajt\u00eb e Pallatit Tim\u201d, me t\u00eb cilat ishim rritur t\u00eb gjith\u00eb dhe p\u00ebr hir t\u00eb s\u00eb v\u00ebrtet\u00ebs nuk m\u00eb vinin fare era realiz\u00ebm socialist. Gjithsesi p\u00ebrball\u00eb tij nuk u ula pa paragjykime. Ndryshe nga shum\u00eb t\u00eb tjer\u00eb q\u00eb i kishin hedhur nj\u00eb sy poezive t\u00eb mia, Bedri Dedja, ishte i vetmi q\u00eb me seriozitet m\u00eb respektoi at\u00eb bot\u00eb m\u00eb shum\u00eb nga t\u00eb gjith\u00eb duke treguar se nuk po m\u00eb gjykonte thjesht si djalin 17-vje\u00e7ar nj\u00eb miku. Kishte shkruar mbi dy faqe daktilografike p\u00ebr disa nga poezit\u00eb e mia me lavd\u00ebrime dhe v\u00ebrejtje, (fatkeq\u00ebsisht nuk e gjeta dot k\u00ebt\u00eb let\u00ebr sot) ndryshe nga shum\u00eb t\u00eb tjer\u00eb q\u00eb jo vet\u00ebm nuk kishin marr\u00eb mundimin p\u00ebr t\u2019i par\u00eb seriozisht, po m\u00eb kishin l\u00ebn\u00eb si dhe shum\u00eb t\u00eb tjer\u00eb dyerve t\u00eb redaksive t\u00eb koh\u00ebs me muaj e me vite. Pa par\u00eb fare se \u00e7far\u00eb ishte shkruar n\u00eb at\u00eb let\u00ebr e ndjeva veten t\u00eb vler\u00ebsuar.<\/p>\n \u201cShiko-<\/em>tha Bedriu,-\u00a0lexoi k\u00ebto q\u00eb kam shkruar kur t\u00eb shkosh b\u00eb sht\u00ebpi. N\u00eb fakt, ti je poet dekadent, por kjo nuk ka asgj\u00eb t\u00eb keqe, rrym\u00eb \u00ebsht\u00eb si gjith\u00eb rrymat e tjera. Ti je i ve\u00e7ant\u00eb, shum\u00eb i ve\u00e7ant\u00eb dhe ndoshta do t\u00eb vler\u00ebsohesh m\u00eb shum\u00eb n\u00eb nj\u00eb koh\u00eb tjet\u00ebr. Po nuk ka r\u00ebnd\u00ebsi, ti je ti\u201d-<\/em>\u00a0tha duke kthyer kok\u00ebn nga aneksi dhe duke i thirrur s\u00eb shoqes, Pandor\u00ebs:\u00a0\u201cPandora, na sill pak raki t\u00eb pim\u00eb nj\u00eb got\u00eb p\u00ebr poetin Andi Bejtja\u201d.<\/em><\/p>\n Alban Bala<\/strong><\/p>\n N\u00eb rrethana krejt rast\u00ebsore, n\u00eb nj\u00eb dhom\u00eb t\u00eb gjelb\u00ebr e t\u00eb zbeht\u00eb spitali, n\u00eb mosh\u00ebn e par\u00eb t\u00eb rinis\u00eb une pata fatin t\u00eb takoja shkrimtarin Bedri Dedja. Im vella operohej dhe trauma e prind\u00ebrve te mi nga pak ishte b\u00ebr\u00eb edhe e imja: ecja pas tyre me syte p\u00ebrdhe, i hutuar nga zhurma q\u00eb shkaktonte p\u00ebrplasja mes arom\u00ebs s\u00eb blireve q\u00eb vishnin oborrin e brendsh\u00ebm t\u00eb spitalit me ajrin e mpiksur, ngjyrakuq t\u00eb jodoformit. Korridoret e katit t\u00eb dyt\u00eb t\u00eb spitalit \u2013 me dyert e zhytura n\u00eb llurb\u00ebn e kujtes\u00ebs sime sot \u2013 m\u00eb shum\u00eb m\u00eb ngjanin me m\u00ebng\u00ebt e nj\u00eb p\u00ebrparseje mjeku.<\/p>\n Nj\u00eb mik i p\u00ebrbashk\u00eb t \u2013i af\u00ebrt i Prof. Dedjes \u2013 shtrihej pran\u00eb shtratit t\u00eb tim vellai. Dhe dhurata m\u00eb e mire q\u00eb ai burre n\u00eb moshe zgjodhi t\u2019u bente prind\u00ebrve t\u00eb mi \u2013 kur m\u00ebsoi se un\u00eb shkruaja vjersha \u2013 ishte t\u2019u prezantonte shkrimtarin m\u00eb t\u00eb dashur p\u00ebr f\u00ebmij\u00eb t\u00eb asaj kohe: Bedri Dedjen.<\/p>\n P\u00ebr nj\u00eb riosh t\u00eb rritur para kohe si un\u00eb \u2013 dhe pse ende shum\u00eb larg pjekuris\u00eb dhe kuptimit t\u00eb plote t\u00eb ngjarjeve, qoft\u00eb dhe vet\u00ebm kjo mund\u00ebsi ishte nj\u00eb privilegj i madh. Bedri Dedja \u2013 p\u00ebr femijet e asaj kohe q\u00eb lexonin me afsh \u00e7do lib\u00ebr t\u00eb ri \u2013 ishte nj\u00eb krye-em\u00ebr. Ishte nj\u00eblloj sikur ime bij\u00eb sot t\u00eb m\u00eb vinte p\u00ebrball\u00eb dhe t\u00eb m\u00eb thoshte se kishte takuar Paulo Coelho-n.\u00a0 Un\u00eb nj\u00eblloj do t\u2019u mburresha prind\u00ebrve te mi se kisha takuar prof. Bedri Dedjen.<\/p>\n Takimi me t\u00eb ka qen\u00eb m\u00eb shum\u00eb se miq\u00ebsor: ai ishte i dashur, i \u00ebmb\u00ebl, i ngadalt\u00eb dhe plot sharm. Dhe pse une isha krejt n\u00eb fillesat e mia dhe vargu im krejt\u00ebsisht i paafte p\u00ebr t\u00eb th\u00ebn\u00eb shume\u00e7ka \u2013 nuk d\u00ebgjova prej tij asnj\u00eb fjal\u00eb q\u00eb l\u00ebndonte. Ai diti t\u00eb m\u00eb p\u00ebrkrahte qoft\u00eb edhe vet\u00ebm me dashamir\u00ebsin\u00eb e skajshme dhe but\u00ebsin\u00eb fisnike.<\/p>\n Un\u00eb p\u00ebrdorja fletore 16-tshe p\u00ebr t\u00eb ruajtur vjershat: kudo q\u00eb t\u00eb shkruheshin, ato hidheshin aty, n\u00eb fletoren time t\u00eb radh\u00ebs \u2013 n\u00eb t\u00eb past\u00ebr. Aty niste kujtesa.<\/p>\n Her\u00ebn e par\u00eb ne fol\u00ebm p\u00ebr poezin\u00eb, p\u00ebr let\u00ebrsin\u00eb dhe dashurin\u00eb e njeriut ndaj saj. Her\u00ebn e dyt\u00eb une i dhash\u00eb atij fletoret e mia me vjersha. Her\u00ebn e tret\u00eb u pam\u00eb p\u00ebr t\u00eb diskutuar mbi \u00e7far\u00eb ai kishte lexuar.<\/p>\n K\u00ebshtu une pata fatin ta takoj prej af\u00ebr Prof. Dedjen t\u00eb pakt\u00ebn tre her\u00eb: nj\u00eb prej tyre n\u00eb sht\u00ebpin\u00eb e tij. M\u00eb priti dhe m\u00eb prezantoi si \u201cshkrimtar\u201d te e shoqja, e cila hapi der\u00ebn, nd\u00ebrsa profesori m\u00eb t\u00ebrhoqi but\u00eb n\u00eb nje sallon t\u00eb vogel prej ku mbaj mend nj\u00eb biblioteke muri dhe nj\u00eb xham akulli q\u00eb e ndante at\u00eb kthin\u00eb me pjes\u00ebn tjet\u00ebr t\u00eb banes\u00ebs me nj\u00eb nuanc\u00eb paksa n\u00eb t\u00eb gjelb\u00ebr.<\/p>\n Nj\u00eb tryez\u00eb e vogel, e rrumbullak\u00ebt e mesdhom\u00ebs mbante fletoret e mia \u2013 q\u00eb ai i kishte lexuar. Ne folem p\u00ebr let\u00ebrsi dhe un\u00eb mbaj mend rrudhat e tij \u2013 q\u00eb \u00e7do mendim i thellonte. Qeshjen e kishte edhe m\u00eb t\u00eb hijshme se zakonisht n\u00eb shtepin\u00eb e tij. Dhe mikpritja t\u00eb b\u00ebnte t\u00eb \u00e7liroheshe i t\u00ebri \u2013 n\u00eb kolltuk\u00ebt e thjesht\u00eb, me krah\u00eb t\u00eb zhveshur druri q\u00eb zbukuronin dhom\u00ebn \u2013 me gjas\u00eb biblioteka dhe studioja e tij.<\/p>\n N\u00eb fakt p\u00ebrtej shkrimtaris\u00eb se famshme tashm\u00eb t\u00eb Prof. Dedjes \u2013 une u mrekullova nga lajmi se femij\u00ebt e tij studionin muzik\u00eb. Mbaj mend q\u00eb m\u00eb p\u00ebrmendi se arti kurr\u00eb nuk vjen vet\u00ebm n\u00eb jet\u00ebn e njeriut\u2026 ai sjell gjithmon\u00eb nj\u00eb art tjet\u00ebr me vete\u2026<\/p>\n Shpesh fjal\u00ebt i p\u00ebrdorte si nj\u00eb gjuh\u00eb qe i duhej p\u00ebr t\u00eb gdhendur \u2013 jo p\u00ebr t\u00eb shkruar. Dhe \u00e7ka gdhendte \u2013 ishte brenda tij \u2013 m\u00eb shum\u00eb se jasht\u00eb tij.<\/p>\n Jam i bindur se ai takim i at\u00ebhersh\u00ebm \u2013 edhe pse periferik dhe i imte n\u00eb fatin tim t\u00eb gjat\u00eb, ka mbetur me mua si ndjesia e njeriut q\u00eb hyn p\u00ebr her\u00eb t\u00eb par\u00eb n\u00ebn Harkun e Triumfit n\u00eb Paris apo q\u00eb kapercen oqeanin: \u00ebsht\u00eb p\u00ebrjetimi i par\u00eb n\u00eb koh\u00eb dhe n\u00eb hap\u00ebsir\u00eb i nj\u00eb dimensioni t\u00eb ri t\u00eb bot\u00ebs. Bedri Dedja \u2013 Zoti e m\u00ebshirofte \u2013 m\u00eb tregoi p\u00ebrmas\u00ebn e tij t\u00eb shpirtit.<\/p>\n Vangjush Saro<\/strong><\/p>\n Do t\u00eb mjaftonin pak fjal\u00eb p\u00ebr t\u00eb vler\u00ebsuar Bedri Dedjen, nj\u00eb nga krijuesit e r\u00ebnd\u00ebsish\u00ebm dhe nd\u00ebr m\u00ebsuesit tan\u00eb m\u00eb t\u00eb mir\u00eb n\u00eb letrat shqip, n\u00eb pedagogji, etik\u00eb e botime. E them k\u00ebt\u00eb, sepse emri i tij \u00ebsht\u00eb tashm\u00eb ai i nj\u00eb klasiku; s\u00eb bashku me Odise Grillon dhe Tasim Gjokutajn e, m\u00eb pas, Sk\u00ebnder Haskon, Gaqo Bushak\u00ebn, Dionis Bubanin, Adelina Mamaqin, etj., krijuan let\u00ebrsin\u00eb shqiptare p\u00ebr f\u00ebmij\u00eb e t\u00eb rinj, let\u00ebrsi q\u00eb nga e shkuara vinte aq e brisht\u00eb, me disa pak krijime (t\u00eb p\u00ebrshtatura m\u00eb s\u00eb shumti p\u00ebr librat shqip) t\u00eb Naim Frash\u00ebrit, Anton Xanonit, etj. dhe, m\u00eb pas, t\u00eb Kutelit e Migjenit. Edhe pse pak a shum\u00eb n\u00ebn nj\u00eb trysni – q\u00eb ushtrohej mbi gjith\u00eb shoq\u00ebrin\u00eb shqiptare – Bedri Dedja dhe koleg\u00ebt e tij e mbajt\u00ebn librin n\u00eb lart\u00ebsin\u00eb e emrit, me gjuh\u00ebn e pasur, me personazhet e paharruar, me fantazin\u00eb q\u00eb her\u00eb pajtohej me koh\u00ebn e her\u00eb k\u00ebrkonte p\u00ebrtej saj. Romani, nj\u00eb nga llojet e rralla t\u00eb l\u00ebvruara n\u00eb ato dekada n\u00eb let\u00ebrsin\u00eb shqiptare p\u00ebr f\u00ebmij\u00eb e t\u00eb rinj, gjen krijuesin e vet te vepra e Bedri Dedjes, nga \u201cHeroizmat e Fatbardh Pikaloshit\u201d te \u201cKalamajt\u00eb e pallatit tim\u201d, etj.<\/p>\n N\u00ebse ky zhan\u00ebr po shkon m\u00eb tej, n\u00eb emrin e shkrimtar\u00ebve Viktor Canosinaj, Xhahid Bushati, Pandeli Ko\u00e7i, Riza Braholli, etj., n\u00eb k\u00ebt\u00eb perspektiv\u00eb pra, ka rolin e vet t\u00eb \u00e7muar edhe i urti Bedri Dedja. M\u00eb n\u00eb fund, nd\u00ebr pun\u00ebt e tjera t\u00eb nderuara t\u00eb profesorit edhe pas \u201990-\u00ebs, si ribotime, libra t\u00eb rinj, etj., n\u00eb kujtes\u00eb t\u00eb shkrimtar\u00ebve m\u00eb t\u00eb k\u00ebtejm\u00eb, do t\u00eb mbetet koha kur ai drejtonte Bordin e Ministris\u00eb s\u00eb Arsimit p\u00ebr p\u00ebrzgjedhjen e librave t\u00eb rekomanduar p\u00ebr or\u00eb letrare, pun\u00eb gjat\u00eb s\u00eb cil\u00ebs edhe un\u00eb kam pasur k\u00ebnaq\u00ebsin\u00eb t\u00eb bisedoj me t\u00eb, t\u00eb lexohem prej tij, t\u00eb marr komplimente e k\u00ebshilla. Si\u00e7 na kujton shkrimtari amerikan S. Strunsky, statistikat jan\u00eb \u2018zemra e demokracis\u00eb\u2019; nderimi p\u00ebr kontribuesit e kultur\u00ebs, n\u00eb hierarki e n\u00eb koh\u00eb, \u00ebsht\u00eb k\u00ebnaq\u00ebsi dhe detyr\u00eb. P\u00ebr m\u00eb tep\u00ebr, ne kemi pasur dhe kemi pak kualitete t\u00eb tilla, pasuri nga e cila nuk mund dhe nuk duhet t\u00eb humbasim asgj\u00eb. I qet\u00eb, tolerant, por nj\u00ebher\u00ebsh k\u00ebrkues, \u2018babai\u2019 i pedagogjis\u00eb shqiptare dhe nj\u00eb nd\u00ebr l\u00ebvruesit m\u00eb t\u00eb nderuar t\u00eb let\u00ebrsis\u00eb p\u00ebr f\u00ebmij\u00eb e t\u00eb rinj, Bedri Dedja ka l\u00ebn\u00eb mes nesh figur\u00ebn e njeriut fisnik, q\u00eb do t\u00eb lan\u00e7ohet gjithnj\u00eb p\u00ebr men\u00e7urin\u00eb dhe ngroht\u00ebsin\u00eb e bisedave t\u00eb tij e do t\u00eb kujtohet sa her\u00eb t\u00eb shfaqet nj\u00eb problem pedagogjik e sa her\u00eb t\u00eb shfletohet nj\u00eb lib\u00ebr\u2026<\/p>\n Genc Tirana<\/strong><\/p>\n Sado vite kalojn\u00eb raporti shpirt\u00ebror mes lexuesit dhe shkrimtarit t\u00eb preferuar nuk zbehet asnj\u00ebher\u00eb. Madje n\u00eb shum\u00eb raste forcohet edhe m\u00eb shum\u00eb sidomos kur arti i shkruar rizgjon n\u00eb nj\u00eb moment t\u00eb caktuar nostlagji p\u00ebr \u00e7far\u00eb ke p\u00ebrjetuar nga vepra e autorit. Autori dhe vepra e tij zen\u00eb vend n\u00eb ngrehin\u00ebn e kujtes\u00ebs s\u00eb lexuesit gradualisht p\u00ebr nj\u00eb koh\u00eb relativisht t\u00eb gjat\u00eb, gj\u00eb q\u00eb e b\u00ebn disi t\u00eb pap\u00ebrcaktuar se si dhe kur ka l\u00ebn\u00eb gjurm\u00eb ky art n\u00eb koshienc\u00ebn ton\u00eb.<\/p>\n N\u00eb rastin kur kujtojm\u00eb shkrimtarin, psikologun dhe studiuesin poliedrik Bedri Dedja \u00e7do gj\u00eb \u00ebsht\u00eb m\u00eb e qart\u00eb pasi vepra e tij lidhet ngusht\u00ebsisht me f\u00ebmij\u00ebrin\u00eb ton\u00eb kur \u00ebnd\u00ebrrat dhe fantazit\u00eb e pastra e t\u00eb \u00ebmbla merrnin jet\u00eb. N\u00eb nj\u00eb nj\u00eb dit\u00eb si kjo kur para 15 vitesh Profesor Bedri Dedja u nda fizikisht nga lexuesit dhe njer\u00ebzit e dashur t\u00eb tij ne zbulojm\u00eb natyrsh\u00ebm brenda vetes pjes\u00ebza t\u00eb jet\u00ebs son\u00eb q\u00eb lidhen ngusht\u00ebsisht n\u00eb nj\u00eb m\u00ebnyr\u00eb apo n\u00eb nj\u00eb tjet\u00ebr me ndodhit\u00eb e personazhet q\u00eb Profersori i nderuar i p\u00ebrshkroi aq bukur e natyrsh\u00ebm n\u00eb librat e tij. Personalisht mund t\u00eb them padyshim se Bedri Dedja ka qen\u00eb autori i par\u00eb me t\u00eb cilin e kam filluar leximin e let\u00ebrsis\u00eb. Besoj se po k\u00ebshtu do t\u00eb ket\u00eb ndodhur me shum\u00eb lexues t\u00eb tjer\u00eb t\u00eb brezit tim. P\u00ebr ne f\u00ebmij\u00ebt e viteve \u201860 libra si \u201cHeroizmat e Fatbardh Pikaloshit\u201d, \u201cNj\u00eb Udh\u00ebtim i Rreziksh\u00ebm\u201d e plot vepra t\u00eb tjera t\u00eb fillimit t\u00eb krijimtaris\u00eb s\u00eb shkrimtarit Dedja nuk shlyhen nga kujtesa. Ndryshe nga sot ne nuk nuk shihnim at\u00ebher\u00eb shum\u00eb filma por personazhet dhe ngjarjet n\u00eb librat e tij ishin m\u00eb t\u00eb gjalla se sa skenat filmike. Pothuajse nj\u00ebsoj si sot q\u00eb her\u00eb pas here shoh nj\u00eb film t\u00eb preferuar aksioni apo fantastik po ashtu kam lexuar at\u00ebhere n\u00eb mosh\u00ebn e f\u00ebmij\u00ebris\u00eb pa rreshtur librin \u201cNj\u00eb Udh\u00ebtim i Rreziksh\u00ebm\u201d. Ngjarjet e p\u00ebrshkruara aty si dhe personazhet si Kokakom\u00e7i, Kok\u00ebdruthi, Usta i Paudhi e plot t\u00eb tjer\u00eb t\u00eb skalitur me aq mjesht\u00ebri nga autori kan\u00eb zen\u00eb vend n\u00eb kujtes\u00eb nj\u00ebsoj sikur t\u00eb kem p\u00ebrjetuar nj\u00eb ngjarje reale. P\u00ebrshkrimet letrare hera-her\u00ebs jan\u00eb v\u00ebrtet\u00eb t\u00eb gjalla dhe krijojn\u00eb efekte t\u00eb tilla por kjo nuk ndodh dendur. Dedja hyri shum\u00eb natyrsh\u00ebm n\u00eb bot\u00ebn e f\u00ebmij\u00ebve dhe krijoi k\u00ebt\u00eb efekt te lexuesit e tij p\u00ebr faktin q\u00eb ishte njoh\u00ebs i thell\u00eb i psikologjis\u00eb. Bagazhi i tij kulturor, talenti si shkrimtar si dhe eksperienca n\u00eb jet\u00eb b\u00ebnin q\u00eb librat e tij t\u00eb ngacmonin natyrsh\u00ebm fantazin\u00eb f\u00ebmij\u00ebrore. Personazhet dhe ngjarjet n\u00eb librat e tij gjithashtu bashk\u00ebvepronin n\u00eb nj\u00eb bot\u00eb ku p\u00ebrballej e mira dhe e keqja dhe fitonte ajo q\u00eb ishte e moralshme. Kjo gj\u00eb e b\u00ebn vepr\u00ebn e tij q\u00eb t\u2019i rezistoj\u00eb koh\u00ebs pasi normat e moralit nuk ndryshojn\u00eb. Sot mbas kaq vitesh q\u00eb shkrimtarin nuk e kemi mes nesh ne p\u00ebrulemi me venerat\u00eb p\u00ebrpara vepr\u00ebs q\u00eb profesor Bedri Dedja krijoi p\u00ebr lexuesit e brezit ton\u00eb dhe q\u00eb e la trash\u00ebgim p\u00ebr breza t\u00eb tjer\u00eb lexuesish. Respekt!<\/p>\n Rezear Xhaxhiu<\/strong><\/p>\n Prof. Bedri Dedja ka qen\u00eb nj\u00eb mik special i familjes Xhaxhiu. N\u00eb memorien time t\u00eb nj\u00eb f\u00ebmije 10-vje\u00e7ar e m\u00eb pas, at\u00ebher\u00eb kur Vitin e Ri e festonim n\u00eb Lidhjen e Shkrimtar\u00ebve m\u00eb kan\u00eb mbetur t\u00eb fotografuar portretet e Bedros, si\u00e7 Pandora e th\u00ebrriste, dhe t\u00eb vet\u00eb Pandor\u00ebs, k\u00ebsaj zonje fisnike dhe gjith\u00eb nur. M\u00eb kujtohet se n\u00eb familjen ton\u00eb ishte nj\u00eb fest\u00eb e v\u00ebrtet\u00eb kur shkrimtari Dedja nxirrte \u00e7do her\u00eb nj\u00eb lib\u00ebr t\u00eb ri p\u00ebr f\u00ebmij\u00eb dhe kur im at\u00eb e sillte sa her\u00eb q\u00eb Bedriu ia dhuronte p\u00ebr ne f\u00ebmij\u00ebt. \u201cAventurat e Fatbardh Pikaloshit\u201d, \u201cKalamajt\u00eb e pallatit tim\u201d, \u201cRepublika e 1001 \u00e7udirave\u201d, etj do t\u00eb ishin p\u00ebr ne f\u00ebmij\u00ebt librat-bibla t\u00eb f\u00ebmij\u00ebris\u00eb son\u00eb. M\u00eb kujtohet q\u00eb mburresha lart e posht\u00eb duke u th\u00ebn\u00eb versnik\u00ebve t\u00eb mi q\u00eb k\u00ebt\u00eb shkrimtarin e kam edhe mik familjeje. Prof. Bedriu do t\u00eb mbetej k\u00ebshtu vit pas viti, p\u00ebr mua si f\u00ebmij\u00eb por edhe gjat\u00eb periudhave t\u00eb tjera t\u00eb jet\u00ebs, shkrimtari i ve\u00e7ant\u00eb, miku njer\u00ebzor i babait tim, burri buz\u00ebgaz dhe i qet\u00eb me t\u00eb cilin kishe qejf t\u00eb rrije dhe t\u00eb bisedoje gjat\u00eb, p\u00ebr krijimtarin\u00eb, p\u00ebr gjuh\u00ebsin\u00eb, apo p\u00ebr gj\u00ebra t\u00eb thjeshta, njer\u00ebzore e t\u00eb p\u00ebrditshme. Takimin e fundit me t\u00eb e pata n\u00eb nj\u00eb dit\u00eb vjeshte disa muaj para se Prof t\u00eb nd\u00ebrronte jet\u00eb.<\/p>\n Diku n\u00eb rrug\u00ebn e Kavaj\u00ebs.”I biri Muzos, t\u00eb ndjek me \u00ebndje n\u00eb emisionet e tua. Nuk i ke l\u00ebn\u00eb gj\u00eb mangut Muzos p\u00ebr nga mendja dhe kultura, por mbi t\u00eb gjitha ti flet shqip, past\u00ebr dhe me kolorit gjuh\u00ebsor”…<\/em><\/p>\n N\u00eb at\u00eb periudh\u00eb un\u00eb drejtoja nj\u00eb emision timin “Spekt\u00ebr” n\u00eb televizionin Arb\u00ebria.<\/p>\n “\u00c7far\u00eb do t\u00eb thot\u00eb Prof q\u00eb flas shqip e pyeta”?…”Po ja<\/em>,-shtoi-ke nj\u00eb gjuh\u00eb t\u00eb past\u00ebr letrare, pa krahinorizma dhe fjal\u00eb t\u00eb huaja”…<\/em><\/p>\n U ndjeva mir\u00eb kur e d\u00ebgjova nga nj\u00eb “gardian” i gjuh\u00ebs shqipe k\u00ebt\u00eb konstatim. Dhe me at\u00eb fotografi t\u00eb portretit t\u00eb tij t\u00eb flok\u00ebve t\u00eb bardh\u00eb dhe t\u00eb ecjes s\u00eb but\u00eb mbi asfalt do ta fiksoja Profesorin, shkrimtarin, njeriun dhe mikun e familjes Bedri Dedjen pa e ditur se do t\u00eb ishte hera e fundit q\u00eb e shikoja e flisja me t\u00eb.<\/p>\n Ilirian Zhupa<\/strong><\/p>\n Bedri Dedjan e kam njohur qysh n\u00eb f\u00ebmij\u00ebrin\u00eb e hershme, p\u00ebrmes Heroizmave t\u00eb Fatbardh Pikaloshit. Pikaloshi p\u00ebr ne f\u00ebmijt\u00eb shqiptar\u00eb ishte libri q\u00eb rrinte p\u00ebrkrah Xhaxha Stefit, Pinokut e shum\u00eb bashk\u00ebudh\u00ebtar\u00ebve t\u00eb tjer\u00eb q\u00eb na trazonin \u00ebndrrat e f\u00ebmij\u00ebris\u00eb. Sa m\u00eb tep\u00ebr rritesha, aq m\u00eb tep\u00ebr rriteshin dhe kontaktet p\u00ebrmes pushtetit t\u00eb letr\u00ebs s\u00eb shkruar, me profesorin, akademikun, shkrimtarin Bedri Dedja. Gjer n\u00eb vitin 1978 kur u takuam n\u00eb Institutin e Lart\u00eb Pedagogjik t\u00eb Elbasanit, ai si pedagog dhe un\u00eb si student. U b\u00ebm\u00eb miq q\u00eb n\u00eb or\u00ebt e para t\u00eb leksioneve. Kjo miq\u00ebsi e respekt vazhdoi gjer n\u00eb vitin 2004 kur Profesori mbylli syt\u00eb. Duke l\u00ebn\u00eb pas nj\u00eb vep\u00ebr dhe kujtim q\u00eb do t\u00eb jetojn\u00eb gjat\u00eb. Dhe nj\u00eb munges\u00eb q\u00eb b\u00ebhet p\u00ebrdit\u00eb e m\u00eb e ndjeshme, si\u00e7 ndodh n\u00eb truallin ton\u00eb edhe p\u00ebr shkak t\u00eb rrallimit nga dita n\u00eb dit\u00eb t\u00eb burrave t\u00eb men\u00e7ur, human\u00eb dhe t\u00eb v\u00ebrtet\u00eb si miku dhe Profesori im Bedri Dedja.<\/p>\n G\u00ebzim Tushi<\/strong><\/p>\n Profesor Bedriu, \u00ebsht\u00eb nj\u00eb nga figurat e shquara, polivalente t\u00eb arsimit, kultur\u00ebs, shkenc\u00ebs dhe let\u00ebrsis\u00eb shqiptare p\u00ebr f\u00ebmij\u00eb. N\u00eb k\u00ebt\u00eb fush\u00eb ndoshta \u00ebsht\u00eb fare pa konkurent. Tek profesor Bedriu, ishin bashkuar n\u00eb nj\u00eb, n\u00eb personalitetin e tij t\u00eb shum\u00ebansh\u00ebm, njeriu i mir\u00eb dhe intelektuali popullor, masoviku i pap\u00ebrtuar dhe I lidhur me njer\u00ebzit e thjesht\u00eb, dhe akademiku me kultur\u00eb sqim\u00ebtare, mendimtari erudit dhe lektori elokuent, shkenc\u00ebtari i skutave m\u00eb t\u00eb err\u00ebta t\u00eb struktur\u00ebs psikike t\u00eb njeriut, dhe m\u00ebsuesi dhe edukatori i f\u00ebmij\u00ebve, librat e t\u00eb cilit ata i kan\u00eb p\u00ebrpir\u00eb.<\/p>\n N\u00eb fush\u00ebn e dijes profesionale, profesori, ishte burri q\u00eb dominonte \u00e7do sall\u00eb dhe aul\u00eb t\u00eb universitetit, me autoritet t\u00eb padiskutuesh\u00ebm. Ky autoritet i shum\u00ebfishuar i tij, spikaste kudo ku d\u00ebgjohej fjala e tij. Kur ai thoshte \u201cun\u00eb mendoj,\u201d me t\u00eb v\u00ebrtet ashtu ishte, ai fliste me mendimin e tij, t\u00eb pavarur.<\/p>\n Kultura e tij e gjer\u00eb poliedrike, ishte rezultat i nj\u00eb pune skrupuloze, sistematike, q\u00eb filloi q\u00eb kur u ul n\u00eb bank\u00ebn e shkoll\u00ebs, si nx\u00ebn\u00ebs dhe deri sa mbylli syt\u00eb. Gjith\u00eb jet\u00ebn n\u00eb lib\u00ebr, pran\u00eb librave, pen\u00ebs, fjal\u00ebs dhe miqve. Kaq shum\u00eb kultur\u00eb kishte, saq\u00eb ishte nj\u00eb nga njer\u00ebzit tek i cili personaliteti i tij autoritar dhe kultura, ishin b\u00ebr\u00eb nj\u00eb dhe t\u00eb pandar\u00eb. Ishte v\u00ebshtir\u00eb t\u00eb dalloje tek profesor Bedri Dedja, se ku fillonte kultura e akumuluar nga t\u00eb tjer\u00ebt, dhe ku fillonte kultura, q\u00eb buronte prej personalitetit t\u00eb tij. E gjith\u00eb qenia e tij rrezantonte kultur\u00eb.<\/p>\n Kam patur fatin e lumtur t\u00eb kem qen\u00eb dy her\u00eb studenti i tij, nj\u00ebher\u00eb n\u00eb Fakultetin e Shkencave Politike dhe Juridike, dhe her\u00ebn e fundit si student pasuniversitar p\u00ebr psikologji dhe pedagogji. N\u00eb t\u00eb dy rastet, ai ka zhvilluar l\u00ebnd\u00ebn e psikologjis\u00eb sociale. Edhe sot, i kam sh\u00ebnimet e leksioneve t\u00eb tij. Megjith\u00ebse kan\u00eb kaluar afro 30 vjet nga kjo koh\u00eb, dhe kam lexuar dhe shum\u00eb libra t\u00eb tjer\u00eb n\u00eb k\u00ebt\u00eb fush\u00eb, kam d\u00ebgjuar shum\u00eb lektor\u00eb t\u00eb tjer\u00eb, brenda dhe jasht\u00eb vendit, t\u00eb them t\u00eb v\u00ebrtet\u00ebn, dhe pa e tepruar, m\u00eb ka p\u00eblqyer m\u00eb shum\u00eb thell\u00ebsia e mendimit dhe “aparati pedagogjik” perfekt, gjuha e sakt\u00eb e bukur, plot timb\u00ebr dhe elokuenc\u00eb, me t\u00eb cilin profesor Bedriu dinte t\u00eb transmetonte idet\u00eb shkencore,\u00a0 t\u00eb psikologjis\u00eb sociale.<\/p>\n Megjith\u00ebse koh\u00eb e v\u00ebshtir\u00eb p\u00ebr shkenca t\u00eb tilla, n\u00eb Shqip\u00ebrin\u00eb e koh\u00ebs t\u00eb komunizmit, mund t\u00eb them se, tek ai dominonte verbi i personalitetit si shkenc\u00ebtar, dhe q\u00ebndrimi objektivist, duke shfryt\u00ebzuar maksimalen e toleranc\u00ebs, q\u00eb lejonte regjimi i kaluar.<\/p>\n Po ju tregoj se me koh\u00eb ka q\u00ebn\u00eb d\u00ebshir\u00eb e hershme, q\u00eb nj\u00eb nga librat e mi t\u2019ia kushtoj vepr\u00ebs, kontributit pedagogjik dhe letrar komb\u00ebtar t\u00eb Prof. Bedri Dedja. Mendova se do ishte m\u00eb mir\u00eb q\u00eb k\u00ebt\u00eb ta b\u00ebja si dedikim p\u00ebr librin \u201cQytetari dhe Jeta Urbane\u201d. Kam edhe nj\u00eb arsye personale p\u00ebr t\u00eb b\u00ebr\u00eb k\u00ebt\u00eb dedikim t\u00eb merituar. Sepse mua personalisht, por jo vet\u00ebm (ai ishte njeri human q\u00eb i donte t\u00eb gjith\u00eb), Prof. Bedriu m\u00eb ka dashur, p\u00ebrkrahur, nxitur dhe mbi t\u00eb gjitha m\u00eb ka m\u00ebsuar si t\u00eb nd\u00ebrtoj nj\u00eb lib\u00ebr me l\u00ebnd\u00eb, analiza, v\u00ebzhgime dhe sfond t\u00eb gjer\u00eb social. \u00cbsht\u00eb njeriu q\u00eb me mjesht\u00ebri t\u00eb rrall\u00eb shkencore, letrare dhe pedagogjike m\u00eb injektoi me eleganc\u00eb dashurin\u00eb p\u00ebr psikologjin\u00eb sociale.<\/p>\n Edhe sot, edhe sa t\u00eb jem gjall\u00eb, n\u00eb vet\u00ebdijen time ting\u00ebllojn\u00eb z\u00ebri i \u00ebmb\u00ebl, argumentimi mbushamend\u00ebs, autoriteti shkencor personal i patundur, mir\u00ebsia, humanizmi i k\u00ebtij burri dhe shkenc\u00ebtari t\u00eb shquar!<\/p>\n Mikel Dyshniku<\/strong><\/p>\n Bedri Dedja ka qen\u00eb shkrimtari im i dashur i viteve t\u00eb f\u00ebmij\u00ebris\u00eb. Emrin e tij e kam hasur p\u00ebr her\u00eb t\u00eb par\u00eb n\u00eb koh\u00ebn e shkoll\u00ebs fillore posht\u00eb nj\u00eb teksti t\u00eb shk\u00ebputur nga libri “Heroizmat e Fatbardh Pikaloshit”. Paragraf\u00eb nga ky lib\u00ebr ishin p\u00ebrfshir\u00eb p\u00ebr ilustrime dhe ushtrime n\u00eb librat e k\u00ebndimit dhe gjuh\u00ebs t\u00eb fillores (lexim, diktim etj). Prej k\u00ebtu u nxita ta lexoj edhe librin, i cili m\u00eb p\u00eblqeu pa mas\u00eb. Pak vite m\u00eb tej bleva librin “Nj\u00eb udh\u00ebtim i rreziksh\u00ebm” – si fillim m\u00eb t\u00ebrhoqi ilustrimi i kopertin\u00ebs. Leximi i librit pastaj ishte nj\u00eb k\u00ebnaq\u00ebsi e ve\u00e7ant\u00eb. Kujtoj k\u00ebtu, tre rruga\u00e7\u00ebt e vegj\u00ebl, usta Ipaudhi, transmetimi direkt i ndeshjes me kom\u00e7a.., gjetja e emrave jo vet\u00ebm p\u00ebr Kok\u00ebdruthin, Kok\u00ebtap\u00ebn, Kok\u00ebfirifiun (dhe psikologjin\u00eb e tyre) po edhe e qyteteve Sdikuisht e Helmegazi. M\u00eb duhet t\u00eb them se edhe sot n\u00eb bisedat me bashk\u00ebmoshatar\u00ebt e mi i p\u00ebrdorim si metafora em\u00ebrtimet e m\u00ebsip\u00ebrme, kudo shohim sot usta t\u00eb Paudh\u00eb, Kok\u00ebdrutha etj. po e p\u00ebrdorim edhe p\u00ebr qytete tip Sdikuisht apo Helmegazi. Fat p\u00ebr ne q\u00eb e shijuam n\u00eb vitet tona t\u00eb f\u00ebmij\u00ebris\u00eb k\u00ebt\u00eb lloj let\u00ebrsie.<\/p>\n Alfred Papu\u00e7iu<\/strong><\/p>\n M\u00eb kujtohen ato dit\u00eb n\u00ebntori t\u00eb vitit 1959, kur im at\u00eb i paharruar, Tuni Papu\u00e7iu, duke patur mb\u00ebshtetjen e shkrimtarit Bedri Dedja, dhe shum\u00eb shkrimtar\u00ebve dhe piktor\u00ebve t\u00eb tjer\u00eb, p\u00ebrfshir\u00eb dhe piktorin e shquar Agim Faja, Safo Markon, Petro Markon, Drit\u00ebro Agollin, Nasho Jorgaqin, Xhevat Beqaraj e shum\u00eb t\u00eb tjer\u00eb, punonte deri nat\u00ebn von\u00eb, me devotshm\u00ebri, mbi bocat e revist\u00ebs “Fatosi” p\u00ebr ta nxjerr\u00eb numrin e saj, dit\u00ebn e fest\u00ebs komb\u00ebtare. Akademiku Bedri Dedja, i q\u00ebndronte pran\u00eb.<\/p>\n Profesor Bedriu ishte nj\u00eb njeri fjal\u00ebpak\u00eb, ndoshta edhe i lodhur pak nga jeta, i njohur bot\u00ebrisht n\u00eb fush\u00ebn e pedagogjis\u00eb dhe psikologjis\u00eb, i cili megjith\u00eb mosh\u00ebn e tij mbi 70-vje\u00e7are nuk rreshti pa shkruar p\u00ebr Kosov\u00ebn dhe Shqip\u00ebrin\u00eb, edhe nga N\u00ebshateli i Zvicr\u00ebs, ku vinte her\u00eb pas here, p\u00ebr voc\u00ebrak\u00ebt dhe rinin\u00eb shqiptare q\u00eb ta mbajn\u00eb gjall\u00eb gjuh\u00ebn amtare dhe dashurin\u00eb p\u00ebr vendin e tyre.<\/p>\n Adriana Fishta-Bejko<\/strong><\/p>\n Kam patur fatin dhe privilegjin t\u00eb jem studentja e Profesorit t\u00eb p\u00ebrkushtuar t\u00eb psikologjis\u00eb Bedri Dedja leksionet e t\u00eb cilit ishin po aq magjep\u00ebsese sa edhe heroizmat e Fatbardh Pikaloshit. Ajo q\u00eb spikaste n\u00eb l\u00ebnd\u00ebn e tij nuk ishte vet\u00ebm njohuria e thell\u00eb e psikologjis\u00eb, por m\u00ebnyra si na trajtonte ne student\u00ebve t\u00eb tij, si t\u00eb barabart\u00eb. N\u00eb at\u00eb koh\u00eb ai ishte zv\/minist\u00ebr i Arsimit dhe jo vet\u00ebm gjente koh\u00eb t\u00eb jepte disa or\u00eb m\u00ebsim, por na frym\u00ebzonte t\u00eb konsideronim pun\u00ebn me f\u00ebmij\u00ebt si mision n\u00eb jet\u00eb.<\/p>\n Esht\u00eb shkruar shum\u00eb p\u00ebr Profesorin ton\u00eb, nga koleg\u00ebt q\u00eb e nderonin dhe ju mungon, nga gazetat dhe revistat pedagogjike, nga personazhet e mrekulluesh\u00ebm t\u00eb librave t\u00eb tij, por mallin p\u00ebr profesorin ton\u00eb do ta shuajm\u00eb me kujtimet e shumta q\u00eb i ruajm\u00eb t\u00eb fresk\u00ebta edhe pas gjys\u00ebm shekulli nga koha kur uleshim n\u00eb bankat e shkoll\u00ebs ku na m\u00ebsonte ai. Mallin do ta shuajm\u00eb me librat dhe studimet e shumta, se shum\u00eb shkroi dhe botoi, Profesori yn\u00eb, let\u00ebrsi p\u00ebr f\u00ebmij\u00eb apo psikologji. Mbi t\u00eb gjitha ai na la modelin e m\u00ebsuesit misionar, t\u00eb men\u04abur por modest, t\u00eb famsh\u00ebm por me k\u00ebmb\u00eb n\u00eb tok\u00eb.<\/p>\n Ndoshta, \u00ebsht\u00eb mrekullia me t\u00eb cil\u00ebn Profesor Dedja na shpjegonte se si truri p\u00ebrvet\u00ebson njohurit\u00eb, q\u00eb m\u00eb b\u00ebri t\u2019ia p\u00ebrkushtoj jet\u00ebn time m\u00ebsuesis\u00eb, trurit dhe t\u00eb ardhmes s\u00eb kombit ton\u00eb-f\u00ebmij\u00ebve. Kur studjoja n\u00eb Amerik\u00eb dhe Kanada shpesh e gjeja veten duke menduar: \u201cK\u00ebta profesor\u00eb na servirin sot disa koncepte si t\u00eb reja, por Profesor Dedja na i m\u00ebsoi k\u00ebto n\u00eb vitet \u201970-t\u00eb, si\u00e7 jan\u00eb individualiteti dhe personaliteti i f\u00ebmij\u00ebs.\u201d<\/p>\n Teksa kujtojm\u00eb kontributin e Profesorit ton\u00eb te nderuar, misionarit t\u00eb arsimit shqiptar, ndejm\u00eb q\u00eb kujtesa \u00ebsht\u00eb mos-harrim, ndejm\u00eb flladin e dashuris\u00eb p\u00ebr f\u00ebmij\u00ebt tan\u00eb q\u00eb filloj n\u00eb Kor\u04ab\u00ebn ku lindi Profesori yn\u00eb, vazhdoj n\u00eb Shkod\u00ebr ku m\u00ebsoi ABC-\u00ebn, n\u00eb Durr\u00ebs ku mbaroi gjimnazin dhe n\u00eb Mosk\u00eb ku studioi pedagogji-psikologji dhe let\u00ebrsin\u00eb p\u00ebr f\u00ebmij\u00eb. Ajo vazhdoi n\u00eb jet\u00ebn e tij profesionale si themelues i revist\u00ebs p\u00ebr f\u00ebmij\u00eb \u201cFlamurtari i Vog\u00ebl\u201d n\u00eb 1945 (kur ishte vet\u00ebm 15 vje\u04ab!) pedagog i psikologjis\u00eb, dekani i par\u00eb 24 vje\u04abar i Fakultetit Histori-Filologji, kryeredaktori i par\u00eb i gazet\u00ebs \u201cM\u00ebsuesi\u201d apo i revist\u00ebs \u201cArsimi Popullor\u201d. Veprimtaria e tij vazhdoi n\u00eb p\u00ebrfaq\u00ebsimet e rinis\u00eb n\u00eb Mosk\u00eb apo Helsinki\u2026\u2026.m\u00eb von\u00eb si sekretar i Akademis\u00eb s\u00eb Shkencave apo bashkepun\u00ebtor i Universitetit t\u00eb Cambridge.\u00a0Falemiderit Profesor i nderuar dhe mik i p\u00ebrjetsh\u00ebm i f\u00ebmij\u00ebve dhe m\u00ebsues i madh i m\u00ebsuesve. Na mungoni shum\u00eb.<\/p>\n Artan Gjyzel Hasani<\/strong><\/p>\n N\u00eb vitet 70-t\u00eb \u00ebndrra m\u00eb e madhe p\u00ebr nj\u00eb f\u00ebmij\u00eb q\u00eb lexonte ishte t\u00eb takonte profesor Bedri Dedjen, autorin m\u00eb t\u00eb njohur t\u00eb librave p\u00ebr f\u00ebmij\u00eb. Mua kjo \u00ebnd\u00ebrr m\u2019u b\u00eb realitet nj\u00eb pasdite tetori 1973, kur nga duart e tij mora nj\u00eb \u00e7ertifikat\u00eb, aq shum\u00eb t\u00eb njohur n\u00eb ato vite, \u201cMiku i vog\u00ebl i Librit\u201d vlera e s\u00eb cil\u00ebs shtrihej p\u00ebrtej asaj cope letre t\u00eb thjesht\u00eb t\u00eb zbukuruar nga firma e shkrimtarit t\u00eb dashur. Pasi thirri emrin tim, dora e tij zgjati drejt meje \u00e7ertifikat\u00ebn e lexuesit t\u00eb dalluar. Por ishte di\u00e7ka m\u00eb shum\u00eb. P\u00ebrtej asaj \u00e7ertifikate, at\u00eb \u00e7ast un\u00eb kisha ndjer\u00eb nj\u00eb pohimim e nj\u00eb d\u00ebshire t\u00eb panjohur q\u00eb lexuesi brenda meje nj\u00eb dit\u00eb t\u00eb shnd\u00ebrrohej n\u00eb shkrimtar. Nj\u00eb \u00ebnd\u00ebrr t\u00eb cil\u00ebn deri at\u00eb dit\u00eb nuk dija q\u00eb ekzistonte. Kishte mjaftuar vet\u00ebm\u00a0 pamja fisnike e shkrimtarit, z\u00ebri i ngroht\u00eb dhe\u00a0 p\u00ebrkujdesja dashamir\u00ebse me t\u00eb cil\u00ebn ai iu drejtua secilit prej nx\u00ebn\u00ebsve pjes\u00ebmarr\u00ebs n\u00eb at\u00eb ceremoni modeste. q\u00eb shk\u00ebndijat e leximeve\u00a0 t\u00eb deriat\u00ebhershme t\u00eb ktheheshin n\u00eb nj\u00eb l\u00ebmsh t\u00eb zjarrt\u00eb q\u00eb po m\u00eb digjte mendjen dhe gjoksin, nd\u00ebrsa po kthehesha p\u00ebr n\u00eb sht\u00ebpi..<\/p>\n Sot, kur n\u00eb supet e mia mbaj pothuajse gjasht\u00ebdhjet\u00eb vjet dhe 14 libra si autor, e kam t\u00eb pamundur q\u00eb t\u00eb mos kujtoj me mir\u00ebnjohje shkrimtarin e f\u00ebmij\u00ebris\u00eb sime Bedri Dedjen dhe at\u00eb mbr\u00ebmje t\u00eb larg\u00ebt tetori sa her\u00eb q\u00eb dikush m\u00eb b\u00ebn pyetjen \u201c\u00c7far\u00eb ju shtyu t\u00eb zgjidhnit krijimin letrar si vjedh\u00ebsin m\u00eb t\u00eb madh t\u00eb koh\u00ebs tuaj?\u2019.<\/p>\n ***<\/p>\n Krahas k\u00ebtyre fjal\u00ebve t\u00eb \u00e7muara t\u00eb njer\u00ebzve q\u00eb kan\u00eb njohur profesor Bedriun do theksoja dhe un\u00eb di\u00e7ka q\u00eb e kam th\u00ebn\u00eb vite m\u00eb par\u00eb dhe e p\u00ebrs\u00ebris me shum\u00eb dashuri e bindje se Bedri Dedja\u00a0mbetet nj\u00eb gur themeli i kreativitetit dhe imagjinat\u00ebs n\u00eb f\u00ebmij\u00ebrin\u00eb e disa brezave. Psikologu ikon\u00eb n\u00eb fillimet e Psikologjis\u00eb n\u00eb Shqip\u00ebri, studiuesi i etapave t\u00eb zhvillimit psikologjik dhe social t\u00eb njeriut, n\u00eb ve\u00e7anti t\u00eb f\u00ebmij\u00ebve. Profesori i dashur p\u00ebr mij\u00ebra m\u00ebsimdh\u00ebn\u00ebs t\u00eb s\u00eb sotmes dhe t\u00eb shkuar\u00ebs. Akademiku q\u00eb i dha jet\u00eb dhe nder Akademis\u00eb s\u00eb Shkencave. Em\u00ebr i madh q\u00eb la pas krijimtari t\u00eb vyer, (tregime, vjersha, novela, romane, pjes\u00eb teatrale, p\u00ebrkthime, publicistik\u00eb, studime shkencore, tekste universitare) p\u00ebr t\u00eb cil\u00ebn lipset ridimensionim ve\u00e7an\u00ebrisht n\u00eb kurrikulat e arsimit dhe p\u00ebrgjith\u00ebsisht n\u00eb institucionet e edukimit.<\/p>\n Veprat e tij si \u201cNj\u00eb udh\u00ebtim i rreziksh\u00ebm\u201d, \u201cKalamajt\u00eb e pallatit tim\u201d, \u201cHeroizmat e Fatbardh Pikaloshit\u201d, \u201cTregimet e Gjyshe Past\u00ebrtores\u201d, \u201cNj\u00eb kryengritje n\u00eb pallat\u201d, \u201cPresidenti i Planetit t\u00eb Kuq\u201d, ve\u00e7an\u00ebrisht jan\u00eb vepra t\u00eb tilla q\u00eb l\u00ebn\u00eb gjurm\u00eb n\u00eb kujtes\u00ebn emocionale dhe sh\u00ebrbejn\u00eb p\u00ebr t\u00eb nd\u00ebrtuar nj\u00eb bibliotek\u00eb t\u00eb pasur jo vet\u00ebm titujsh, por edhe shpirt\u00ebrore p\u00ebr shum\u00eb lexues t\u00eb vegj\u00ebl. P\u00ebrmes subjekteve t\u00eb romaneve t\u00eb Bedri Dedjes, nj\u00eb prind a psikolog e gjen t\u00eb thjesht\u00eb t\u2019i shpjegoj\u00eb f\u00ebmij\u00ebs fenomene aktuale sociale a politike, shkencore a pedagogjike. Sepse shkrimtari-psikolog Bedri Dedja kishte aft\u00ebsin\u00eb magjike t\u00eb thjesht\u00ebsimit t\u00eb temave abstrakte, t\u00eb shp\u00ebrb\u00ebrjes s\u00eb tyre n\u00eb gjuh\u00eb f\u00ebmij\u00ebsh.<\/p>\n Personalisht ndihem trefish me fat dhe mir\u00ebnjoh\u00ebse q\u00eb f\u00ebmij\u00ebria ime \u00ebsht\u00eb ravij\u00ebzuar prej shkrimtarit Bedri Dedja, e m\u00eb von\u00eb profesioni im prej librave t\u00eb par\u00eb t\u00eb psikologjis\u00eb me autor Profesor Bedriun, e tashm\u00eb shkruaj p\u00ebr t\u00eb jo vet\u00ebm si lexuese dhe psikologe por edhe si bashk\u00ebshortja e djalit t\u00eb njeriut q\u00eb ndikoi n\u00eb formimin tim personal e profesional.<\/p>\n Profesor Bedri Dedja t\u00eb ndritt\u00eb shpirti e faleminderit p\u00ebr thesarin q\u00eb krijove dhe e le me bujari, thjesht\u00ebsisht e madh\u00ebrisht pas vetes!<\/p>\n <\/p>\n \/flasshqip.ca<\/p>\n","protected":false},"excerpt":{"rendered":" Si \u00e7do familje besoj, edhe ne kemi nj\u00eb sirtar t\u00eb posa\u00e7\u00ebm ku ruajm\u00eb sende t\u00eb r\u00ebnd\u00ebsishme p\u00ebr jet\u00ebn ton\u00eb. Mes tyre ndodhet edhe nj\u00eb zarf, i cili edhe pse nuk \u00ebsht\u00eb i mbushur me par\u00e1, ka vler\u00eb t\u00eb madhe. Mbi t\u00eb shkruhet \u201cShoku i Braktisur\u201d. \u00cbsht\u00eb dor\u00ebshkrimi i romanit p\u00ebr f\u00ebmij\u00eb me t\u00eb nj\u00ebjtin titull […]<\/p>\n","protected":false},"author":1,"featured_media":8637,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"footnotes":""},"categories":[10,14],"tags":[],"yoast_head":"\n![\"\"](\"http:\/\/flasshqip.ca\/images\/fotografi_lajme\/letersi\/ALban-Bala-1.jpg\")
<\/p>\n![\"\"](\"http:\/\/flasshqip.ca\/images\/fotografi_lajme\/femijet\/Bedri_Dedja\/VleresimeperBD\/Vangjush-Saro.jpg\")
<\/p>\n![\"\"](\"http:\/\/flasshqip.ca\/images\/fotografi_lajme\/femijet\/Bedri_Dedja\/VleresimeperBD\/Genc-Tirana.jpg\")
<\/p>\n![\"\"](\"http:\/\/flasshqip.ca\/images\/fotografi_lajme\/femijet\/Bedri_Dedja\/VleresimeperBD\/Rezear-Xhaxhiu.jpg\")
<\/p>\n![\"\"](\"http:\/\/flasshqip.ca\/images\/fotografi_lajme\/femijet\/Bedri_Dedja\/VleresimeperBD\/Ilirian-Zhupa.jpg\")
<\/p>\n![\"\"](\"http:\/\/flasshqip.ca\/images\/fotografi_lajme\/femijet\/Bedri_Dedja\/VleresimeperBD\/Gezim-Tushi.jpg\")
<\/p>\n![\"\"](\"http:\/\/flasshqip.ca\/images\/fotografi_lajme\/femijet\/Bedri_Dedja\/VleresimeperBD\/Mikel-Dyshniku.jpg\")
<\/p>\n![\"\"](\"http:\/\/flasshqip.ca\/images\/fotografi_lajme\/femijet\/Bedri_Dedja\/VleresimeperBD\/Alfred_Papuciu1.jpg\")
<\/p>\n![\"\"](\"http:\/\/flasshqip.ca\/images\/fotografi_lajme\/femijet\/Bedri_Dedja\/VleresimeperBD\/ADRIANA-BEJKO.jpg\")
<\/p>\n![\"\"](\"http:\/\/flasshqip.ca\/images\/fotografi_lajme\/femijet\/Bedri_Dedja\/VleresimeperBD\/Artan-Gjyzel-Hasani.jpg\")
<\/p>\n![\"\"](\"http:\/\/flasshqip.ca\/images\/fotografi_lajme\/femijet\/Bedri_Dedja\/BedriDedja_flasShqip.ca1.jpg\")
<\/p>\n