{"id":6154,"date":"2019-03-26T07:38:05","date_gmt":"2019-03-26T06:38:05","guid":{"rendered":"http:\/\/redaktori.com\/?p=6154"},"modified":"2019-03-26T07:40:13","modified_gmt":"2019-03-26T06:40:13","slug":"shqiptaret-vijojne-te-ikin-rriten-te-ardhurat-nga-emigrantet","status":"publish","type":"post","link":"https:\/\/redaktori.com\/?p=6154","title":{"rendered":"Shqiptar\u00ebt vijojn\u00eb t\u00eb ikin, rriten t\u00eb ardhurat nga emigrant\u00ebt"},"content":{"rendered":"

Parat\u00eb q\u00eb emigrant\u00ebt sjellin n\u00eb sht\u00ebpi kan\u00eb sh\u00ebnuar nj\u00eb rritje t\u00eb ndjeshme p\u00ebrgjat\u00eb viteve t\u00eb fundit. Sipas statistikave t\u00eb publikuara nga banka e Shqip\u00ebris\u00eb, remitancat (prurjet e emigrant\u00ebve) arrit\u00ebn n\u00eb 670 milion\u00eb euro n\u00eb vitin 2018, duke u rritur me 5.3% n\u00eb krahasim me vitin e m\u00ebparsh\u00ebm.<\/p>\n

Ky \u00ebsht\u00eb niveli m\u00eb i lart\u00eb q\u00eb nga viti 2012, teksa nj\u00eb vit m\u00eb pas n\u00eb 2013, prurjet e emigrant\u00ebve arrit\u00ebn n\u00eb nivelin m\u00eb t\u00eb ul\u00ebt q\u00eb pas viteve \u201990, duke zbritur n\u00eb 545 milion\u00eb euro. R\u00ebnia e tyre ishte e pritshme, pas maturimi t\u00eb ciklit t\u00eb emigracionit, ku individ\u00ebt q\u00eb kan\u00eb ikur (fluksi m\u00eb i madh ishte mes viteve 1990 dhe 2000), pas 10-15 vitesh krijojn\u00eb familjet e tyre dhe fillojn\u00eb e\u00a0 shk\u00ebpusin lidhjet me vendin m\u00ebm\u00eb. Por, pas vitit 2013, prurjet e emigrant\u00ebve filluan t\u00eb rriten s\u00ebrish, p\u00ebr t\u00eb arritur n\u00eb 2018-n, ku rritja n\u00eb vler\u00eb absolute ishte rreth 34 milion\u00eb euro, m\u00eb e larta e gjasht\u00eb viteve t\u00eb fundit.<\/p>\n

\n

 <\/p>\n

\"\"Elton \u00c7ollaku, drejtor i Unionit Financiar Tiran\u00eb, kompania p\u00ebrfaq\u00ebsuese e Western Union n\u00eb Shqip\u00ebri, q\u00eb kryen transferta parash, pohon se arsyeja kryesore e rritjes s\u00eb remitancave lidhet me rigjall\u00ebrimin e ciklit t\u00eb emigracionit. \u201cPersonat q\u00eb ikin sistemohen vet\u00eb dhe m\u00eb pas ndihmojn\u00eb familjet\u201d, pohon ai.<\/div>\n

 <\/p>\n<\/div>\n

\u00c7ollaku pohon se n\u00eb parim, si fenomen i lidhur n\u00eb m\u00ebnyr\u00eb t\u00eb padiskutueshme me emigracionin, ecuria e remitancave lidhet drejtp\u00ebrdrejt me trendet migratore t\u00eb nj\u00eb vendi, ku nivelet e larta t\u00eb emigrimit shoq\u00ebrohen me flukse monetare remitancash, t\u00eb cilat d\u00ebrgohen nga emigrant\u00ebt p\u00ebr t\u00eb mb\u00ebshtetur familjar\u00ebt dhe t\u00eb af\u00ebrmit n\u00eb vendet e origjin\u00ebs. Nd\u00ebrkoh\u00eb, me kalimin e viteve dhe me inkuadrimin e k\u00ebsaj kategorie (emigrant\u00ebve) n\u00eb jet\u00ebn dhe shoq\u00ebrin\u00eb e vendit ku kan\u00eb emigruar v\u00ebrehet nj\u00eb lloj stabiliteti i remitancave dhe madje r\u00ebnie t\u00eb tyre me kalimin e viteve (zakonisht ky \u00ebsht\u00eb nj\u00eb cik\u00ebl 10\u201315-vje\u00e7ar).<\/p>\n

<\/div>\n

N\u00eb k\u00ebt\u00eb kontekst, edhe n\u00eb Shqip\u00ebri trendi i remitancave \u201cka ndjekur\u201d parimin e m\u00ebsip\u00ebrm, thot\u00eb ai. Vitet e fundit, si rezultat i tendencave t\u00eb reja migratore t\u00eb shqiptar\u00ebve n\u00eb drejtim t\u00eb vendeve t\u00eb Europ\u00ebs Per\u00ebndimore, duke sjell\u00eb n\u00eb k\u00ebt\u00eb m\u00ebnyr\u00eb edhe nj\u00eb \u201crifreskim\u201d t\u00eb diaspor\u00ebs shqiptar\u00eb n\u00eb Per\u00ebndim, v\u00ebrehet nj\u00eb tendenc\u00eb pozitive e remitancave, e cila lidhet n\u00eb m\u00ebnyr\u00eb t\u00eb drejtp\u00ebrdrejt\u00eb me k\u00ebto l\u00ebvizje migratore dhe suportin e emigrant\u00ebve p\u00ebr familjet e tyre n\u00eb Shqip\u00ebri (shifra k\u00ebto t\u00eb konfirmuara tashm\u00eb edhe nga statistikat zyrtare t\u00eb Bank\u00ebs s\u00eb Shqip\u00ebris\u00eb).<\/p>\n

\u00c7ollaku shton se, referuar edhe p\u00ebrvojave t\u00eb tregut, edhe n\u00eb vitet n\u00eb vijim, si rrjedhoj\u00eb e fenomenit t\u00eb m\u00ebsip\u00ebrm do t\u00eb vijoj\u00eb t\u00eb ket\u00eb nj\u00eb trend pozitiv dhe\/ose t\u00eb q\u00ebndruesh\u00ebm t\u00eb flukseve t\u00eb remitancave n\u00eb vend.<\/p>\n

Rigjall\u00ebrimi i ciklit t\u00eb emigracionit dhe k\u00ebrkesa p\u00ebr azil<\/strong><\/p>\n

T\u00eb dh\u00ebna t\u00eb Eurostat tregojn\u00eb se rritja e remitancave periudh\u00eb p\u00ebrkon me nj\u00eb rigjall\u00ebrim t\u00eb k\u00ebrkesa p\u00ebr azil n\u00eb vendet e BE-s\u00eb nga shqiptar\u00ebt. N\u00eb 2013-n kishte rreth 11 mij\u00eb k\u00ebrkesa, p\u00ebr t\u00eb kulmuar n\u00eb 2016-n, me 69 mij\u00eb k\u00ebrkesa, p\u00ebr t\u00eb r\u00ebn\u00eb gradualisht n\u00eb vititi e m\u00ebpasshme, por q\u00eb gjithsesi k\u00ebrkesat p\u00ebr azil vijojn\u00eb t\u00eb mbeten t\u00eb larta, n\u00eb rreth 19 mij\u00eb n\u00eb 2018-n.<\/p>\n

N\u00eb raport me popullsin\u00eb, shqiptar\u00ebt vijojn\u00eb t\u00eb duan t\u00eb ikin m\u00eb shum\u00eb se kushdo tjet\u00ebr, edhe se vendet q\u00eb jan\u00eb n\u00eb gjendje lufte. Monitor ka p\u00ebrpunuar t\u00eb dh\u00ebnat p\u00ebr numrin e azilant\u00ebve shqiptar\u00eb p\u00ebr 1,000 banor\u00eb, ku rezulton se n\u00eb vitin 2018, p\u00ebr \u00e7do 1,000 banor\u00eb aplikuan 6.6 persona, duke u renditur t\u00eb par\u00ebt n\u00eb bot\u00eb p\u00ebr nga numri i aplikimeve p\u00ebr azilant\u00eb n\u00eb raport me popullsin\u00eb. Q\u00eb nga viti 2011, jan\u00eb gati 190 mij\u00eb shqiptar\u00eb q\u00eb kan\u00eb b\u00ebr\u00eb k\u00ebrkes\u00eb p\u00ebr azil, nd\u00ebrsa ka dhe shum\u00eb t\u00eb tjet\u00ebr q\u00eb kan\u00eb ikur dhe nuk jan\u00eb regjistruar si azilant\u00eb.<\/p>\n

Sipas t\u00eb dh\u00ebnave zyrtare t\u00eb INSTAT, emigracioni neto vitet e fundit (diferenca mes atyre q\u00eb ikin dhe atyre q\u00eb kthehen) \u00ebsht\u00eb mesatarisht 15-20 mij\u00eb persona n\u00eb vit q\u00eb largohen nga vendi\/Monitor<\/p>\n

\n