Tre dit\u00eb m\u00eb par\u00eb nga qyteti i Pogradecit, Presidenti i Republik\u00ebs Ilir Meta b\u00ebri nj\u00eb deklarat\u00eb te fort\u00eb referuar kriz\u00ebs politike, sipas tij, ku ndodhet vendi, pasi opozita dogji mandatet dhe ka zbritur n\u00eb rrug\u00eb duke k\u00ebrkuar largimin e qeveris\u00eb Rama me protesta, disa prej t\u00eb cilave jan\u00eb shoq\u00ebruar me dhune. P\u00ebr t\u00eb dal\u00eb nga kjo situat\u00eb, Meta b\u00ebri nj\u00eb l\u00ebvizje t\u00eb papritur, duke u shprehur se \u00ebsht\u00eb i gatsh\u00ebm t\u00eb sakrifikoj\u00eb jet\u00ebn e tij duke u vet\u00ebvrar\u00eb n\u00eb m\u00ebnyr\u00eb q\u00eb vendi t\u00eb dal\u00eb nga kriza politike, q\u00eb sipas tij mund t\u00eb thellohet edhe m\u00eb tej. Do ta b\u00ebnte k\u00ebt\u00eb veprim, nj\u00ebjt\u00eb si presidenti i Kilit n\u00eb vitet \u201970-\u201973 Salvador Allende q\u00eb u vet\u00ebvra si sakrific\u00eb ekstreme kund\u00ebr instalimit n\u00eb pushtet t\u00eb nj\u00eb junte ushtarake.<\/p>\n
Deklarata solli reagime t\u00eb shumta, pjesa m\u00eb e madhe ironike nga qeveria dhe qytetar\u00ebt, nd\u00ebrsa mb\u00ebshtetje gjeti vet\u00ebm te opozita, jo nga e reja n\u00eb Kuvend, por ajo q\u00eb tashm\u00eb ka dal\u00eb n\u00eb rrug\u00eb. Qytetar\u00ebt dhe shumica ironizuan n\u00eb m\u00ebnyra t\u00eb ndryshme frym\u00ebzimin nga Kili t\u00eb kreut t\u00eb shtetit shqiptar, por duket se n\u00eb fakt, nuk ka qen\u00eb Salvador Allende burimi, por bashk\u00ebshortja e tij, q\u00eb \u00ebsht\u00eb kryetare e LSI-s\u00eb. Edhe pse Monika Kryemadhi deklaroi dy net m\u00eb par\u00eb se me burrin e saj, q\u00eb \u00ebsht\u00eb kreu i shtetit nuk flet brenda sht\u00ebpis\u00eb p\u00ebr politik\u00eb, por b\u00ebn vet\u00ebm dashuri, gjuha politike dhe strategjia e tradhtojn\u00eb. Pik\u00ebnisja e veprimeve ekstreme p\u00ebr daljen nga situata politike \u00ebsht\u00eb pik\u00ebrisht nga familja Presidenciale, nga Monika Kryemadhi, gruaja e kreut t\u00eb shtetit.<\/p>\n
N\u00eb dat\u00eb 14 shkurt, dy dit\u00eb para protest\u00ebs s\u00eb par\u00eb t\u00eb opozit\u00ebs s\u00eb bashkuar p\u00ebrpara Kryeministris\u00eb, Monika Kryemadhi n\u00eb emisionin \u2018T\u00eb Paekspozuarit\u201d u shpreh se ishte gati q\u00eb t\u00eb b\u00ebhej kamikaze p\u00ebr t\u00eb larguar Edi Ram\u00ebn nga pushteti. \u201cO do iki Edi Rama, o do iki Lulzim Basha dhe Monika Kryemadhi! Do b\u00ebhem kamikaze me d\u00ebshir\u00ebn m\u00eb t\u00eb madhe, pasi jam e gatshme t\u00eb marr me vete Edi Ram\u00ebn q\u00eb t\u00eb zhbllokoj Shqip\u00ebrin\u00eb\u201d tha ajo duke zbuluar k\u00ebshtu se kush paska qen\u00eb frym\u00ebzimi i v\u00ebrtet\u00eb i Presidentit. E nd\u00ebrsa paralajm\u00ebrimi i fort\u00eb i Kryemadhit n\u00eb 16 shkurtin e protest\u00ebs se \u2018Ose do ik\u00eb Rama, ose un\u00eb e Luli\u2019 doli huq, (pasi kryeministri nuk u rr\u00ebzua) duket se n\u00eb t\u00eb nj\u00ebjt\u00ebn m\u00ebnyr\u00eb do t\u00eb p\u00ebrfundoj\u00eb edhe frym\u00ebzimi i dyt\u00eb nga familja Presidenciale, k\u00ebt\u00eb her\u00eb n\u00eb gjuh\u00ebn e kreut t\u00eb shtetit, pasi n\u00eb t\u00eb gjitha rastet shumica do ta kishte gati nj\u00eb pasuesin e tij.<\/p>\n