{"id":23315,"date":"2020-07-05T12:20:54","date_gmt":"2020-07-05T10:20:54","guid":{"rendered":"http:\/\/redaktori.com\/?p=23315"},"modified":"2020-07-05T12:20:54","modified_gmt":"2020-07-05T10:20:54","slug":"rendohet-situata-nga-covid-19-ne-kosove-vjosa-osmani-jetet-e-njerezve-nuk-jane-numra-mbrojtja-e-jetes-prioritet-mbi-prioritetet","status":"publish","type":"post","link":"https:\/\/redaktori.com\/?p=23315","title":{"rendered":"R\u00ebndohet situata nga COVID-19 n\u00eb Kosov\u00eb, Vjosa Osmani: Jet\u00ebt e njer\u00ebzve nuk jan\u00eb numra, mbrojtja e jet\u00ebs prioritet mbi prioritetet"},"content":{"rendered":"

Kryeparlamentarja e Kuvendit t\u00eb Kosov\u00ebs, Vjosa Osmani e ka konsideruar dit\u00eb t\u00eb r\u00ebnd\u00eb sot p\u00ebr Kosov\u00ebn pas regjistrimit t\u00eb 6 viktimave nga COVID-19, si asnj\u00ebher\u00eb m\u00eb par\u00eb.<\/p>\n

<\/ins><\/p>\n
<\/div>\n<\/div>\n

Osmani thot\u00eb se tashm\u00eb prioritet duhet t\u00eb jet\u00eb jeta e qytetar\u00ebve, dhe jo ekonomia e fushat e tjera.<\/p>\n

Ajo shton se koronavirusi vret, dhe askush nuk duhet t\u00eb besoj\u00eb ata q\u00eb thon\u00eb se nuk ekziston apo minimizojn\u00eb rrezikun.<\/p>\n

 <\/p>\n

STATUSI NGA VJOSA OSMANI<\/strong><\/p>\n

<\/div>\n

Sot ishte dit\u00eb e r\u00ebnd\u00eb p\u00ebr Kosov\u00ebn. Humb\u00ebm gjasht\u00eb jet\u00eb njer\u00ebzish nga virusi Covid-19. Jet\u00ebt, edhe kur shtr\u00ebngohemi t\u2019i p\u00ebrmbledhim n\u00eb numra, nuk jan\u00eb numra, sepse prapa secil\u00ebs jet\u00eb, prapa secil\u00ebs humbje, q\u00ebndron nj\u00eb histori njer\u00ebzore, q\u00ebndron dhimbja e prind\u00ebrve p\u00ebr f\u00ebmij\u00ebt e tyre ose e f\u00ebmij\u00ebve p\u00ebr prind\u00ebrit dhe n\u00eb fund d\u00ebshp\u00ebrimi p\u00ebr humbjen e madhe.<\/p>\n

Ngush\u00ebllime familjeve q\u00eb humb\u00ebn m\u00eb t\u00eb dashurit e tyre. Ndaj dhimbjen me secil\u00ebn familje t\u00eb prekur dhe lutem q\u00eb t\u00eb s\u00ebmur\u00ebt\u00a0nga virusi t\u00eb sh\u00ebrohen sa m\u00eb par\u00eb. B\u00ebj thirrje edhe nj\u00eb her\u00eb q\u00eb mbrojtja e t\u00eb drejt\u00ebs n\u00eb jet\u00eb t\u00eb vendoset prioritet mbi prioritetet, sepse as ekonomia e as fushat e tjera nuk do t\u00eb mbijetojn\u00eb n\u00ebse nuk sigurojm\u00eb sh\u00ebndetin e popullat\u00ebs son\u00eb. Qeveria duhet mos ta mbaj\u00eb m\u00eb peng Ligjin p\u00ebr Parandalimin dhe Luftimin e Pandemis\u00eb Covid-19, t\u00eb cilin e kemi inicuar dhe hartuar n\u00eb Kuvend qysh n\u00eb prill, por ta sjell\u00eb urgjentisht n\u00eb m\u00ebnyr\u00eb q\u00eb t\u00eb mund ta amandamentojm\u00eb dhe pastaj miratojm\u00eb. Ky ligj \u00ebsht\u00eb posa\u00e7\u00ebrisht i nevojsh\u00ebm p\u00ebr t\u2019i dh\u00ebn\u00eb kompetenca shtes\u00eb organeve ligj-zbatuese n\u00eb m\u00ebnyr\u00eb q\u00eb t\u00eb nd\u00ebrmerren masa strikte p\u00ebr parandalimin e pandemis\u00eb.<\/p>\n

Ky virus vret. Mos u besoni atyre q\u00eb thon\u00eb se nuk ekziston. Mos u besoni as atyre q\u00eb e minimizojn\u00eb rrezikun. Prandaj t\u00eb kujdesemi secili p\u00ebr veten e familjet tona duke mbajtur maska, distanc\u00eb e higjien\u00eb.
\n