![\"Image](\"https:\/\/scontent.ftia1-1.fna.fbcdn.net\/v\/t1.0-9\/103025533_10224477454622528_6713824072484715297_n.jpg?_nc_cat=107&_nc_sid=110474&_nc_ohc=pTeORPVVpXYAX-ChY4U&_nc_ht=scontent.ftia1-1.fna&oh=067655f5e2e73186f2a0147b5621af68&oe=5F06238A\")
<\/p>\nDrejtoresha ekzekutive e Qendr\u00ebs s\u00eb Studimeve dhe Publikimeve p\u00ebr Arb\u00ebresh\u00ebt (QSPA), prof. Diana Katrati ka prezantuar disa nga objektivat dhe projektet kryesore p\u00ebr vitin 2020 n\u00eb institucionin q\u00eb drejton, n\u00eb nj\u00eb intervist\u00eb p\u00ebr emisionin \u201cTempull\u201d t\u00eb gazetares Anisa Ymeri.<\/p>\n
Duke theksuar faktin se n\u00eb gjith\u00eb historin\u00eb e shtetit shqiptar, kjo \u00ebsht\u00eb hera e par\u00eb q\u00eb themelohet nj\u00eb institucion i posa\u00e7\u00ebm mbi arb\u00ebresh\u00ebt, ajo ka shpalosur vizionin dhe pun\u00ebt kryesore mbi t\u00eb cilat \u00ebsht\u00eb p\u00ebrqendruar puna k\u00ebrkimore-shkencore e stafit t\u00eb k\u00ebtij institucioni.<\/p>\n
<\/p>\n
<\/p>\n
Projektet kryesore t\u00eb qendr\u00ebs, mbi t\u00eb cilat ka nisur puna jan\u00eb n\u00eb tre drejtime kryesore:<\/p>\n
S\u00eb pari, n\u00eb intensifikimin e marr\u00ebdh\u00ebnieve me bot\u00ebn arb\u00ebreshe dhe me n\u00ebnshkrimin e memorandumeve me institucionet \u00a0e ndryshme k\u00ebrkimore-shkencore n\u00eb Tiran\u00eb, Prishtin\u00eb, Shkup e m\u00eb gjer\u00eb dhe me universitetet brenda dhe jasht\u00eb vendit. N\u00eb k\u00ebt\u00eb kuad\u00ebr, aktualisht \u00ebsht\u00eb lidhur memorandumi i bashk\u00ebpunimit me Akademin\u00eb e Shkencave t\u00eb Shqip\u00ebris\u00eb. Ky memorandum synon koordinimin e studimeve p\u00ebr kultur\u00ebn dhe historin\u00eb e komunitetit arb\u00ebresh, bashk\u00ebpunimin nd\u00ebrinstitucional q\u00eb parashikon realizimin e studimeve t\u00eb p\u00ebrbashk\u00ebta mbi historin\u00eb dhe kultur\u00ebn e komunitetit arb\u00ebresh, organizimin e aktiviteteve studimore, si dhe krijimin e grupeve t\u00eb pun\u00ebs p\u00ebr aplikimin n\u00eb projekte t\u00eb p\u00ebrbashk\u00ebta.<\/p>\n
<\/p>\n
S\u00eb dyti, sipas prof. Diana Kastrati, jan\u00eb n\u00eb plan botimi 4 vepra t\u00eb r\u00ebnd\u00ebsishme studimore nga emra t\u00eb r\u00ebnd\u00ebsish\u00ebm t\u00eb shkencave albanologjike, t\u00eb cilat do t\u00eb botohen brenda k\u00ebtij viti kalendarik. Nj\u00ebher\u00ebsh, n\u00eb sfer\u00ebn e k\u00ebrkimit dhe hulumtimit shkencor, stafi i studiuesve brenda k\u00ebtij institucioni ka nisur pun\u00ebn p\u00ebr hartimin e nj\u00eb bibliografi t\u00ebr\u00ebsore t\u00eb studimeve mbi arb\u00ebresh\u00ebt.<\/p>\n
S\u00eb treti, drejtoresha Kastrati ka b\u00ebr\u00eb me dije edhe detaje mbi emrat pjes\u00ebmarr\u00ebs dhe tematik\u00ebn kryesore t\u00eb Kuvendit Diturak q\u00eb pritet t\u00eb organizohet n\u00eb datat 16-17 shtator 2020, me tem\u00eb bosht \u201cGjendja e studimeve aktuale mbi arb\u00ebresh\u00ebt\u201d.<\/p>\n
Gjat\u00eb bised\u00ebs televizive, prof. Diana Katrati ka v\u00ebn\u00eb n\u00eb dukje se studimet mbi arb\u00ebresh\u00ebt nuk kan\u00eb munguar, madje prej m\u00eb shum\u00eb se nj\u00eb shekulli ka kontribute t\u00eb pamata n\u00eb k\u00ebt\u00eb l\u00ebmi, prandaj njohja e tyre \u00ebsht\u00eb thelb\u00ebsore dhe ndihmon n\u00eb orientimin e perspektivave n\u00eb k\u00ebt\u00eb hulli.<\/p>\n
Bota arb\u00ebreshe, sipas saj, \u00ebsht\u00eb \u201cMuze n\u00eb qiell t\u00eb hapur\u201d, i cili d\u00ebshmon sesi nj\u00eb komunitet i ikur pothuajse prej 6 shekujsh, ka t\u00eb nj\u00ebjtat karakteristika dhe ka nj\u00eb d\u00ebshire t\u00eb pashtershme e vullnet t\u00eb fort\u00eb p\u00ebr ta mbajtur gjall\u00eb gjith\u00e7ka ata kan\u00eb marr\u00eb me vete kur ik\u00ebn nga Shqip\u00ebria. N\u00eb k\u00ebt\u00eb kuad\u00ebr, ka cituar edhe poetin italian Pasolinin, i cili i ka quajtur arb\u00ebresh\u00ebt \u201cnj\u00eb mrekulli antropologjike\u201d. P\u00ebrgatiti p\u00ebr http:\/\/redaktori.com\/ Jolanda Lila<\/p>\n