{"id":21094,"date":"2020-04-12T10:16:07","date_gmt":"2020-04-12T08:16:07","guid":{"rendered":"http:\/\/redaktori.com\/?p=21094"},"modified":"2020-04-12T10:16:07","modified_gmt":"2020-04-12T08:16:07","slug":"ne-emer-te-dashurise-per-njerezit","status":"publish","type":"post","link":"https:\/\/redaktori.com\/?p=21094","title":{"rendered":"N\u00eb em\u00ebr t\u00eb dashuris\u00eb p\u00ebr njer\u00ebzit"},"content":{"rendered":"
\n

\u00a0Mbresa nga dokumentari i Mevlan Shanajt p\u00ebr mjekun e shquar Arkile Bote dhe nj\u00eb paralele me mjek\u00ebt \u00a0shqiptar\u00eb q\u00eb p\u00ebrballen me koronavirusin \u2013<\/strong><\/em><\/p>\n

Nga Fuat Memelli<\/strong><\/p>\n

K\u00ebto dit\u00eb pash\u00eb nj\u00eb dokumentar p\u00ebr mjekun e shquar Arkile\u00a0 Boti. M\u00eb emocionoi dhe nuk mund t\u00eb rija pa shkruar. Rrall\u00eb ka shqiptar nga brezi im,\u00a0 por edhe m\u00eb t\u00eb rinjt\u00eb, q\u00eb mos ken\u00eb d\u00ebgjuar p\u00ebr \u201cb\u00ebmat\u201d e k\u00ebtij mjeku. Autor\u00eb t\u00eb filmit ishin: skenari e regjia nga Mevlani, operator Valter Qarri, operator z\u00ebri Kristaq Kristo dhe montazhi, Flora Kazaferi. Jan\u00eb t\u00eb gjith\u00eb emra t\u00eb spikatur t\u00eb Televizionit Publik Shqiptar, q\u00eb me pun\u00ebn e tyre kan\u00eb l\u00ebn\u00eb gjurm\u00eb t\u00eb pashlyera. Nd\u00ebr mbresat e para q\u00eb \u00a0m\u00eb b\u00ebri p\u00ebrshtypje, ishte koncepimi i ve\u00e7ant\u00eb i dokumentarit. Nuk kishte spiker q\u00eb t\u00eb fliste p\u00ebr jet\u00ebn e doktorit. Kamera p\u00ebrcillte te shikuesit cop\u00ebza nga jeta e p\u00ebrdit\u00ebshme e tij. Ishte nj\u00eb udh\u00ebtim filmik aty ku ai ka punuar, duke filluar nga Quk\u00ebsi i Librazhdit ku filloi pun\u00eb p\u00ebr her\u00eb t\u00eb par\u00eb (pun\u00ebn n\u00eb Quk\u00ebs Akileja e quante \u201duniversiteti i tij i dyt\u00eb\u201d), duke vazhduar me \u201cstacionet\u201d e tjer\u00eb t\u00eb pun\u00ebs si Baldushku, Poliklinika Q\u00ebndrore n\u00eb Tiran\u00eb, fshati Sharr\u00eb e pastaj Petrela. N\u00eb vend t\u00eb spikerit, flisnin me fjal\u00eb zemre, njer\u00ebz q\u00eb ishin sh\u00ebruar prej tij, ose t\u00eb af\u00ebrt t\u00eb tyre, njer\u00ebz t\u00eb moshave e krahinave t\u00eb ndryshme. N\u00eb ekran kalojn\u00eb grupe t\u00eb shumt\u00eb njezish q\u00eb e presin mjekun, q\u00eb e shohin at\u00eb si shp\u00ebtimtar. Ata nuk m\u00ebrziten dhe presin me or\u00eb t\u00eb t\u00ebra, mjafton q\u00eb t\u00eb vizitohen nga Dr. Arkileja. Dhe ai me p\u00ebrkushtimin t\u00eb rrall\u00eb, i viziton duke q\u00ebndruar shpesh her\u00eb deri n\u00eb mesant\u00eb, duke l\u00ebn\u00eb familjen n\u00eb pritje, kush e di sa her\u00eb. Zyra e tij ishte e mbushur me libra dhe bim\u00eb medicinale, pasi ai zbatonte t\u00eb dyja metodat p\u00ebr mjekim: ila\u00e7et kimike si dhe bim\u00ebt. Ai sh\u00ebronte jo vet\u00ebm me mjekim, por edhe me fjal\u00eb, pasi si\u00e7 shprehej \u201dpacientit duhet t\u2019i krijosh bindje dhe optimiz\u00ebm\u201d. Lexonte pa rreshtur literatur\u00eb t\u00eb huaj n\u00eb greqisht, anglisht e rusisht. Nga dokumetari, m\u00ebsoj se ai ishte besimtar i madh te Zoti, shkonte n\u00eb kish\u00eb e n\u00eb xhami. I binte aq bukur edhe fizarmonik\u00ebs, filmuar aty n\u00eb vendlindje, n\u00eb Bularat t\u00eb Dropullit. Ishte kjo nj\u00eb gjetje e bukur e regjisorit, e cila mbyll dokumentarin e q\u00eb tregon se doktori kishte edhe shpirt artisti.<\/p>\n

E kam anjohur Dr.Arkilen\u00eb qysh kur punonte n\u00eb Baldushk dhe mbet\u00ebm miq. I kam \u00e7uar njer\u00ebz q\u00eb kishin hall dhe shumic\u00ebn e tyre \u00a0i sh\u00ebroi. I kam q\u00ebn\u00eb edhe n\u00eb sht\u00ebpi. P\u00ebr at\u00eb kan\u00eb folur\u00a0 e shkruar shum\u00eb vet\u00eb si kolegu i tij, Dr. Flamur Topi, gazetari i njohur Andon Dede, Fatmir Luarasi , etj. Nj\u00eb kuror\u00eb e bukur dedikimi dhe mir\u00ebnjohje, ishte dokumentari i realizuar nga Mevlan Shanaj dhe grupi i tij. Megjithat\u00eb si\u00e7 \u00ebsht\u00eb shprehur mjeku Flamur Topi, \u201cDr. Arkileja i dha shum\u00eb k\u00ebtij vendi e k\u00ebtij populli, por nuk u vler\u00ebsua sa duhet kur ishte gjall\u00eb\u201d. Presidenti Bujar Nishani e dekoroi ( pas vdekjes) me Urdh\u00ebrin \u201cN\u00ebn\u00eb Tereza\u201d. Jo rrall\u00eb ka ndodhur tek ne, q\u00eb njerzit vler\u00ebsohen pasi vdesin. S\u2019ka ka gj\u00eb p\u00ebr Arkilen\u00eb, q\u00eb nuk e vler\u00ebsuan pushtetar\u00ebt sa ishte gjall\u00eb. Vler\u00ebsimin m\u00eb t\u00eb lart\u00eb\u00a0 ia dha populli, me mir\u00ebnjohjen e tij t\u00eb madhe.<\/p>\n

P\u00ebr t\u2019i mbyllur mbresat p\u00ebr dokumentarin, po citoj dy krijues me em\u00ebr. Poeti Rudolf Marku , \u00a0nd\u00ebr t\u00eb tjera, thekson: \u201d dokumentari ka dinjitet, profesionaliz\u00ebm dhe\u00a0 art\u201d nd\u00ebrsa regjisori Muharrem Fejzo, \u00ebsht\u00eb shprehur: \u201c dokumentar plot ndjenj\u00eb, profesionaliz\u00ebm dhe emocionues\u201d.<\/p>\n

Tek shkruaj k\u00ebto rradh\u00eb p\u00ebr dokumentarin e Mevlanit dhe p\u00ebr doktor Akilen\u00eb, m\u00eb dalin para syve sakrificat e mjek\u00ebve dhe infermier\u00ebve shqiptar\u00eb (dhe jo vet\u00ebm) n\u00eb luft\u00ebn e tyre me koronavirusin. Jan\u00eb fronte t\u00eb ndryshme me ato q\u00eb p\u00ebrballej Arkileja kryesisht n\u00ebp\u00ebr fshatra , ku ai kaloi shumic\u00ebn e viteve t\u00eb pun\u00ebs, ku kishte mungesa t\u00eb shumta, me \u00a0v\u00ebshtir\u00ebsit\u00eb dhe sakrificat q\u00eb b\u00ebjn\u00eb \u00a0sot bluzat e bardha n\u00eb betej\u00ebn me virusin e reziksh\u00ebm. Ata kan\u00eb p\u00ebrpara nj\u00eb armik t\u00eb paduksh\u00ebm dhe luftojn\u00eb p\u00ebr ta mposhtur, duke rezikuar edhe jet\u00ebn e tyre . Mjek\u00eb e infermir\u00eb jan\u00eb infektuar edhe n\u00eb Shqip\u00ebri, por fatmir\u00ebsisht deri tani pa humbje jete, si\u00e7 ka ndodhur n\u00eb Itali e vende t\u00eb tjera t\u00eb bot\u00ebs. Un\u00eb nuk i njoh ata dhe nuk i kam takuar asnj\u00ebher\u00eb, por m\u2019i sjellin para syve \u00e7do dit\u00eb k\u00ebtu n\u00eb Boston, ekranet e televizioneve shqiptare. M\u00eb duket sikur jam takuar me Dr. P\u00ebllumb Piperon q\u00eb k\u00ebto dit\u00eb ka fituar zemrat e shqiptar\u00ebve; \u00a0sikur jam takuar me mjeket e mjek\u00ebt e shquar: Silva Bino, Najada \u00c7omo, Tritan Kalo, Arian Harxhi, etj.Nuk duhet harruar edhe ministrja e Sh\u00ebndet\u00ebsis\u00eb, Ogerta Manastirliu, t\u00eb cil\u00ebs i ra bara t\u00eb drejtoj\u00eb dikasterin n\u00eb k\u00ebt\u00eb situat\u00eb. M\u00eb duket sikur kam takuar mjek\u00ebt e infermier\u00ebt q\u00eb shkuan para disa dit\u00ebsh n\u00eb ndihm\u00eb t\u00eb koleg\u00ebve t\u00eb tyre italian\u00eb, si dhe mjek\u00eb e infermier\u00eb t\u00eb tjer\u00eb shqiptar\u00eb, q\u00eb punojn\u00eb me p\u00ebrkushtim n\u00eb k\u00ebt\u00eb front, n\u00eb vende t\u00eb ndryshme t\u00eb bot\u00ebs. Mir\u00ebnjohja e popullit, \u00ebsht\u00eb motivi kryesor n\u00eb k\u00ebt\u00eb betej\u00eb t\u00eb tyre p\u00ebr t\u00eb shp\u00ebtuar jet\u00eb njerzish . Megjithat\u00eb, krahas vler\u00ebsimit me shp\u00ebrblim n\u00eb t\u00eb holla q\u00eb u \u00ebsht\u00eb premtuar nga qeveria, k\u00ebta mjek\u00eb e infermier\u00eb duhen vler\u00ebsuar edhe nga presidenti i republik\u00ebs. Mir\u00ebnjohja \u00ebsht\u00eb nj\u00eb fjal\u00eb e vetme, por vlen aq shum\u00eb. P\u00ebr t\u2019i mbyllur k\u00ebto rradh\u00eb, dua t\u00eb them se ashtu si Dr. Akileja sakrifikonte n\u00eb em\u00ebr t\u00eb dashuris\u00eb p\u00ebr njerzit duke b\u00ebr\u00eb edhe eksperimente te vetja , ashtu dhe p\u00ebr k\u00ebta mjek\u00eb e infermier\u00eb, dashuria p\u00ebr njerzit, \u00ebsht\u00eb motivi kryesor q\u00eb i jep forc\u00eb e kurajo. Si Arkileja, edhe k\u00ebta mjek\u00eb, krijuan modele p\u00ebrkushtimi p\u00ebr mjek\u00ebsin\u00eb shqiptare, \u00a0q\u00eb nuk do t\u2019i fshij\u00eb koha.<\/p>\n

Boston, 11 prill, 2020<\/em><\/p>\n

\"\"\"\"\"\"\"\"\"\"\"\"\"\"\"\"<\/p>\n

<\/div>\n<\/div>\n