{"id":18608,"date":"2019-10-28T14:13:08","date_gmt":"2019-10-28T13:13:08","guid":{"rendered":"http:\/\/redaktori.com\/?p=18608"},"modified":"2019-10-28T14:13:08","modified_gmt":"2019-10-28T13:13:08","slug":"tahiri-zbardhet-vendimi-i-plote-prej-140-faqesh-i-gjykates-provat-qe-deshmojne-raportin-me-habilajt","status":"publish","type":"post","link":"https:\/\/redaktori.com\/?p=18608","title":{"rendered":"Tahiri\/Zbardhet vendimi i plot\u00eb prej 140 faqesh i gjykat\u00ebs, provat q\u00eb d\u00ebshmojn\u00eb raportin me Habilajt"},"content":{"rendered":"

Zbardhet vendimi i plot\u00eb i Gjykat\u00ebs s\u00eb Krimeve t\u00eb R\u00ebnda p\u00ebr ish-ministrin e Brendsh\u00ebm Saimir Tahiri i cili u shpall fajtor p\u00ebr shp\u00ebrdorim detyre m\u00eb 19 shtator. Gazetarja Klodiana Lala raportoi p\u00ebr \u201cBalkanWeb\u201d se nga 140 faqe dokument faktohet lidhja e q\u00ebndrueshme dhe e vijueshme mes Tahirit dhe Moisi Habilajt.<\/p>\n

<\/ins><\/p>\n
<\/div>\n<\/div>\n

N\u00eb dokument, gjykata arsyeton se p\u00ebrse ish-ministri u shpall fajtor vet\u00ebm p\u00ebr shp\u00ebrdorim detyre dhe jo p\u00ebr trafik droge dhe grup t\u00eb strukturuar kriminal.<\/p>\n

\u201cGjykata p\u00ebr Krime t\u00eb R\u00ebnda zbardhi zyrtarisht vendimin p\u00ebr ish-ministrin Tahiri q\u00eb \u00ebsht\u00eb d\u00ebnuar n\u00eb 5 vite burg por p\u00ebr shkak t\u00eb gjykimit t\u00eb shkurtuar shkon n\u00eb 3 vite e 4 muaj e m\u00eb pas u konvertua n\u00eb sh\u00ebrbim prove. Sipas gjykat\u00ebs ka prova q\u00eb tregojn\u00eb nj\u00eb situat\u00eb marr\u00ebdh\u00ebniesh t\u00eb q\u00ebndrueshme mes Tahirit dhe Moisi Habilaj.
\nLidhja e q\u00ebndrueshme konfirmohet konkretisht jo vet\u00ebm me shitjen e automjetit \u2018Audi\u2019 por b\u00ebhet fjal\u00eb p\u00ebr sh\u00ebrbimet e vazhdueshme t\u00eb kryera nga Artan dhe Moisi Habilaj, si automjeti ujor q\u00eb u mor p\u00ebr riparim; p\u00ebrdorim i automjetit \u2018Audi\u2019 nga Tahiri dhe bashk\u00ebshortja e tij p\u00ebr disa raste edhe pse ishte shitur. Udh\u00ebtimi n\u00eb t\u00eb nj\u00ebjt\u00ebn koh\u00eb vajtje-ardhje n\u00eb Itali i Moisi Habilajt dhe babait t\u00eb ish-ministrit, Bashkim Tahiri q\u00eb konfirmon se familja e Tahiri dhe familja Habilaj ka pasur kontakte t\u00eb q\u00ebndrueshme.
\nSipas Gjykat\u00ebs ka pasur komunikime t\u00eb shpeshta dhe t\u00eb drejtp\u00ebrdrejta telefonike t\u00eb Moisi Habilaj me Eli Robon, nj\u00eb njeri i af\u00ebrt i Tahirit q\u00eb punonte drejtor n\u00eb Ministrin\u00eb e Brendshme. Gjykata p\u00ebr Krime t\u00eb R\u00ebnda thot\u00eb se mes Saimir Tahiri dhe Moisi Habilaj ka pasur marr\u00ebdh\u00ebnie t\u00eb q\u00ebndrueshme por se Tahiri nuk rezulton i p\u00ebrfshir\u00eb direkt n\u00eb trafik droge. Por p\u00ebr shkak t\u00eb shp\u00ebrdorimit t\u00eb detyr\u00ebs ka krijuar situat\u00eb t\u00eb till\u00eb q\u00eb grupi Habilaj t\u00eb ishte i lir\u00eb p\u00ebr t\u00eb trafikuar tonelata drog\u00eb drejt Italis\u00eb. B\u00ebhet fjal\u00eb p\u00ebr 20 ton hashash. Tahiri ndryshe nga sa bisedohet mes an\u00ebtar\u00ebve t\u00eb grupit kriminal nuk ka p\u00ebrfituar dhurata si pjes\u00ebtar i grupit kriminal por p\u00ebr shkak t\u00eb p\u00ebrdorimit t\u00eb detyr\u00ebs. Nd\u00ebrkoh\u00eb Tahiri n\u00eb deklaratat e tij ka mohuar se ka pasur njohje dhe kontakte t\u00eb drejtp\u00ebrdrejta me Habilajt\u201d, tha gazetarja Lala.\/BW<\/p>\n

<\/div>\n
<\/div>\n
\n