{"id":17098,"date":"2019-09-23T17:14:15","date_gmt":"2019-09-23T15:14:15","guid":{"rendered":"http:\/\/redaktori.com\/?p=17098"},"modified":"2019-09-23T17:14:15","modified_gmt":"2019-09-23T15:14:15","slug":"tmerri-i-termetit-nje-bande-qe-klith-i-dashur-armik","status":"publish","type":"post","link":"https:\/\/redaktori.com\/?p=17098","title":{"rendered":"Tmerri i t\u00ebrmetit, nj\u00eb band\u00eb q\u00eb klith i dashur armik"},"content":{"rendered":"

Nga Andi Bushati<\/strong><\/p>\n

E gjith\u00eb qeveria u ngrit n\u00eb k\u00ebmb\u00eb duke akuzuar nj\u00eb segment t\u00eb mediave t\u00eb reja, p\u00ebr t\u00eb justifikuar nj\u00eb p\u00ebrzjerje deliri dhe frike q\u00eb kaploi t\u00eb diel\u00ebn n\u00eb dark\u00eb me dhjetra mij\u00ebra qytetar\u00eb. V\u00ebrshimin e tyre irracional n\u00eb rrug\u00ebt dhe autostradat p\u00ebrreth Tiran\u00ebs, tmerrin e nxitur nga nj\u00eb dalldi kolektive kryeministri, ministrja e mbrojtjes edhe ai i rendit e pan\u00eb si pasoj\u00eb e dy reporter\u00ebve t\u00eb ngrat\u00eb q\u00eb policia shkoi ti ndalonte n\u00eb mes t\u00eb nat\u00ebs.<\/p>\n

<\/ins><\/p>\n
<\/div>\n<\/div>\n

Sipas gjith\u00eb kupol\u00ebs s\u00eb rilindjes, fakti q\u00eb nj\u00eb popull i t\u00ebr\u00eb, i shum\u00ebzoi me zero vitet e arsimimit, or\u00ebt n\u00eb klasat e shkencave ekzakte, dokumentar\u00ebt e eksplorerit dhe filloi t\u00eb besonte se t\u00ebrmetet qenk\u00ebrkan t\u00eb parashikuesh\u00ebm, ishte m\u00ebkati i disa mediave on line.<\/p>\n

Natyrisht, koleg\u00ebt tan\u00eb nuk qen\u00eb pa faj. Ata jan\u00eb viktima t\u00eb nj\u00eb sistemi t\u00eb ngritur gabim ku diktatura e shpejt\u00ebsis\u00eb ka b\u00ebr\u00eb t\u00eb harrohet sakt\u00ebsia. Ata jan\u00eb pre e redaksive t\u00eb varf\u00ebra, q\u00eb punojn\u00eb me pak gazetar\u00eb, sepse portalet jan\u00eb t\u00eb vetmet media t\u00eb taksuara eg\u00ebrsisht nga kjo qeverisje. Ata jan\u00eb \u2018bisha\u201d n\u00eb nj\u00eb luft\u00eb t\u00eb eg\u00ebr mbijetese, ku informimi i drejt\u00eb dhe i ndersh\u00ebm kalon n\u00eb plan t\u00eb fundit.<\/p>\n

Si t\u00eb till\u00eb, shpesh m\u00eb shum\u00eb se nga lig\u00ebsia, Fake News prodhohen nga padituria dhe mungesa e profesionalizmit. Kjo \u00ebsht\u00eb koha q\u00eb t\u00eb gjitha mediat e reja, p\u00ebrfshir\u00eb edhe ne t\u00eb Lapsit, t\u00eb shohim nga vetja, t\u00eb m\u00ebtojm\u00eb standarte t\u00eb reja dhe t\u00eb k\u00ebrkojm\u00eb falje sa her\u00eb nuk jemi gjendur n\u00eb lart\u00ebsin\u00eb e misionit ton\u00eb.<\/p>\n

Por, prej k\u00ebtu, t\u00eb arish t\u00eb abstragosh si\u00e7 b\u00ebn qeveria, se paranoja \u00e7mendurake q\u00eb kaploi t\u00eb diel\u00ebn n\u00eb mbr\u00ebmje mbar\u00eb Tiran\u00ebn ishte e nxitur nga mediat, \u00ebsht\u00eb qesharake. Madje tentativa e Ram\u00ebs p\u00ebr t\u00eb par\u00eb n\u00eb k\u00ebt\u00eb gjurulldi, nj\u00eb akt kriminal q\u00eb tentonte t\u00eb nxiste panik \u00ebsht\u00eb po aq marr\u00ebzi sa ajo e \u00e7do burri q\u00eb rendte mbr\u00ebm\u00eb mbi trotuare me kanotjere dhe brek\u00eb fanellate.<\/p>\n

N\u00ebse k\u00ebto media anti qeveritare do t\u00eb kishin k\u00ebt\u00eb fuqi n\u00eb publik, n\u00ebse ato do t\u00eb kishin pasur nj\u00eb t\u00eb qind\u00ebn e forc\u00ebs p\u00ebr k\u00ebt\u00eb shplarje truri kolektive, ne nuk do t\u00eb ishim duke d\u00ebgjuar ende sot bro\u00e7kulla si k\u00ebto t\u00eb kryerilindasit. Do qem\u00eb \u00e7liruar me koh\u00eb nga marr\u00ebzit\u00eb q\u00eb transmeton pafund\u00ebsisht ERTV.<\/p>\n

Po at\u00ebher\u00eb, kur dalldia e djeshme nuk mund t\u00eb shkaktohej disa lajme online, p\u00ebrse Rama nxiton ta v\u00ebr\u00eb gishtin mbi to?<\/p>\n

P\u00ebrgjigjja mund t\u00eb jet\u00eb e komplikuar. Ajo mund t\u00eb lidhet me paranoj\u00ebn e nj\u00eb lideri t\u00eb s\u00ebmur\u00eb q\u00eb nuk e shpjegon dot ngritjen e turmave jasht\u00eb kontrollit t\u00eb tij. Ajo mund t\u00eb shpjegohet me vetembrojtjen automatike p\u00ebr t\u00eb larguar p\u00ebrgjegj\u00ebsin\u00eb nga vetja. Ajo mund t\u00eb justifikohet me tentativ\u00ebn p\u00ebr t\u00eb fshehur munges\u00ebn e p\u00ebrgatitjes s\u00eb shtetit.<\/p>\n

Por, mbi t\u00eb gjitha, \u00ebsht\u00eb e mundur se ajo ka t\u00eb b\u00ebj\u00eb me nj\u00eb sjelle tashm\u00eb t\u00eb shnd\u00ebrruar n\u00eb instikt tek rilindja: at\u00eb p\u00ebr t\u00eb gjetur n\u00eb \u00e7do ngjarje nj\u00eb armik. Aktivizimi i menj\u00ebhersh\u00ebm i k\u00ebtij instikti e shty Ram\u00ebn t\u00eb denonconte menj\u00ebher\u00eb nj\u00eb strategji kriminale q\u00eb kishte si q\u00ebllim t\u00eb paramenduar panikimin e popullsis\u00eb. Ajo i b\u00ebri dy nga ministrat m\u00eb t\u00eb r\u00ebnd\u00ebsish\u00ebm t\u00eb qeveris\u00eb t\u00eb p\u00ebrs\u00ebrisnin t\u00eb nj\u00ebjtin refren bajat.<\/p>\n

<\/div>\n