{"id":17035,"date":"2019-09-21T12:49:19","date_gmt":"2019-09-21T10:49:19","guid":{"rendered":"http:\/\/redaktori.com\/?p=17035"},"modified":"2019-09-21T12:49:19","modified_gmt":"2019-09-21T10:49:19","slug":"formula-per-nje-marredhenie-te-perjetshme-sipas-elena-ferrantes","status":"publish","type":"post","link":"https:\/\/redaktori.com\/?p=17035","title":{"rendered":"Formula p\u00ebr nj\u00eb marr\u00ebdh\u00ebnie t\u00eb p\u00ebrjetshme, sipas Elena Ferrantes!"},"content":{"rendered":"
\n

Marr\u00ebdh\u00ebniet n\u00eb \u00e7ift jan\u00eb mish\u00ebrim i pasiguris\u00eb. N\u00ebse takojm\u00eb dik\u00eb q\u00eb nuk e kemi par\u00eb prej muajsh, hezitojm\u00eb t\u2019i themi: T\u00eb fala Frankos!<\/span><\/p>\n

E mira \u00ebsht\u00eb q\u00eb n\u00ebp\u00ebrmjet pyetjeve me takt t\u00eb marrim vesh n\u00ebse marr\u00ebdh\u00ebnia me Frankon vazhdon ende, q\u00eb Franko nuk \u00ebsht\u00eb z\u00ebvend\u00ebsuar nga ndonj\u00eb Xhani apo Xhorxhio.<\/p>\n

T\u00eb gjitha marr\u00ebdh\u00ebniet, edhe ato m\u00eb t\u00eb gjatat apo n\u00eb dukje m\u00eb t\u00eb fortat, mund t\u00eb p\u00ebrfundojn\u00eb papritur dhe askush nuk ka nj\u00eb formul\u00eb p\u00ebr t\u00eb siguruar p\u00ebrjet\u00ebsin\u00eb e martes\u00ebs.<\/p>\n

Por nj\u00eb mikja ime e vjet\u00ebr, e martuar me nj\u00eb burr\u00eb t\u00eb mir\u00eb p\u00ebr fiks 48 vjet, thot\u00eb se n\u00eb fakt ka nj\u00eb formul\u00eb: dashuria p\u00ebr nj\u00ebri-tjetrin. Duket klishe, apo jo? Problemi, sipas saj, \u00ebsht\u00eb q\u00eb dashuria n\u00eb \u00e7ift p\u00ebr nj\u00eb koh\u00eb shum\u00eb t\u00eb gjat\u00eb \u00ebsht\u00eb\u2026 e lodhshme.<\/p>\n

S\u00eb pari, duhet q\u00eb gjithmon\u00eb t\u00eb jeni t\u00ebrheq\u00ebs p\u00ebr nj\u00ebri-tjetrin, kudo, edhe n\u00eb shtrat, edhe pse ai pasioni i flakt\u00eb i fillimit nuk \u00ebsht\u00eb m\u00eb.<\/p>\n

S\u00eb dyti, p\u00ebrve\u00e7se t\u00eb duhet t\u00eb vler\u00ebsoni virtytet e partnerit, duhet t\u00eb pranoni edhe t\u00eb metat e tij, edhe ato q\u00eb n\u00eb fillimet e lidhjes me mund t\u00eb madh u p\u00ebrpoq t\u2019i fshinte.<\/p>\n

S\u00eb treti, duhet ta shfaqni gjithmon\u00eb respektin p\u00ebr t\u00eb, edhe kur jeni t\u00eb bindura se ai nuk e meriton respektin tuaj, edhe kur n\u00ebn z\u00eb e quani idiot.<\/p>\n

S\u00eb kat\u00ebrti, duhet t\u00eb ktheni kok\u00ebn nga ana tjet\u00ebr kur me raste besnik\u00ebria juaj shp\u00ebrblehet me tradhti.<\/p>\n

S\u00eb pesti, duhet t\u2019i rezistoni d\u00ebshir\u00ebs s\u00eb her\u00ebpashershme p\u00ebr t\u00eb shkat\u00ebrruar gjith\u00e7ka dhe p\u00ebr t\u2019u larguar, duhet t\u00eb bindni veten se f\u00ebmij\u00ebt kan\u00eb nevoj\u00eb p\u00ebr baba edhe kur ai nuk e meriton; se t\u00eb plakesh vet\u00ebm \u00ebsht\u00eb shum\u00eb m\u00eb keq se t\u00eb plakeni bashk\u00eb dhe se t\u00eb rritesh do t\u00eb thot\u00eb ta pranosh jet\u00ebn ashtu si\u00e7 \u00ebsht\u00eb.<\/p>\n

Dhe e fundit, duhet t\u00eb besoni se t\u00eb dashurosh, t\u00eb dashurosh me k\u00ebmb\u00eb n\u00eb tok\u00eb, jo me kok\u00ebn n\u00eb aj\u00ebr si n\u00eb adoleshenc\u00eb \u2013 \u00ebsht\u00eb sakrific\u00eb e p\u00ebrhershme, nj\u00eb pun\u00eb praktike e p\u00ebrditshme.<\/p>\n

\u2013 Prandaj martesa juaj ka zgjatur gati 50 vjet? \u2013 e pyeta miken time.<\/p>\n

\u2013 \u00c7\u2019do t\u00eb thuash? \u2013 m\u2019u p\u00ebrgjigj si e bezdisur. \u2013 Ne kemi qen\u00eb me fat, kemi nj\u00eb lidhje t\u00eb fort\u00eb dhe e duam shum\u00eb nj\u00ebri-tjetrin. Ka \u00e7ifte q\u00eb jan\u00eb t\u00eb lumtur dhe t\u00eb q\u00ebndruesh\u00ebm dhe ne hyjm\u00eb n\u00eb k\u00ebt\u00eb kategori.<\/p>\n

Nuk e diskutuam m\u00eb. Nis\u00ebm s\u00ebrish duke folur p\u00ebr \u00e7iftet dhe tradhtit\u00eb, p\u00ebr t\u00eb tjer\u00ebt. Njer\u00ebzit e b\u00ebjn\u00eb gjithmon\u00eb k\u00ebt\u00eb, edhe kur flasin p\u00ebr tragjedi t\u00eb r\u00ebnda.<\/p>\n

Ajo buz\u00ebqeshja e leht\u00eb \u00ebsht\u00eb gjithmon\u00eb e dobishme, \u00ebsht\u00eb shp\u00ebtim kur p\u00ebr disa sekonda, nga historit\u00eb e t\u00eb tjer\u00ebve na vjen nd\u00ebr mend nj\u00eb pjes\u00eb e dhimbshme e jet\u00ebs son\u00eb.\/botimeshqip<\/p>\n

P\u00ebrktheu: Elona Qose<\/em><\/p>\n

<\/div>\n<\/div>\n