{"id":16005,"date":"2019-08-25T20:52:04","date_gmt":"2019-08-25T18:52:04","guid":{"rendered":"http:\/\/redaktori.com\/?p=16005"},"modified":"2019-08-25T20:52:04","modified_gmt":"2019-08-25T18:52:04","slug":"grida-duma-mesazhe-te-forta-per-politiken-te-zhdukim-kulturen-e-njeshit-qe-vendos-per-gjithcka-mungesa-e-gares-po-largon-te-aftet","status":"publish","type":"post","link":"https:\/\/redaktori.com\/?p=16005","title":{"rendered":"Grida Duma mesazhe t\u00eb forta p\u00ebr politik\u00ebn: T\u00eb zhdukim kultur\u00ebn e nj\u00ebshit q\u00eb vendos p\u00ebr gjith\u00e7ka, mungesa e gar\u00ebs po largon t\u00eb aft\u00ebt"},"content":{"rendered":"

An\u00ebtarja e kryesis\u00eb s\u00eb PD-s\u00eb, Grida Duma, ka folur pas denoncimeve t\u00eb PD, p\u00ebr disa kryebashkiak\u00eb n\u00eb vend, ku vet\u00ebm disa dit\u00eb m\u00eb par\u00eb kreu i Bashkis\u00eb s\u00eb Shkodr\u00ebs, Valdrin Pjetri, dha dor\u00ebheqjen pas publikimit t\u00eb dokumentit p\u00ebr d\u00ebnimin n\u00eb Itali, nd\u00ebrsa m\u00eb pas, PD k\u00ebrkoi nisjen e verifikimeve edhe p\u00ebr kryebashkiakun e Vor\u00ebs, Agim Kajmakun.<\/strong><\/p>\n

E ftuar n\u00eb emisionin \u201cTreshat\u201d, moderuar nga Bora Zemani dhe binjak\u00ebt Veshaj, Grida Duma ka dh\u00ebn\u00eb edhe disa mesazhe t\u00eb forta, rreth asaj q\u00eb e quan \u201czbrazja e Shqip\u00ebris\u00eb dhe largimi i m\u00eb t\u00eb aft\u00ebve\u201d.<\/p>\n

<\/p>\n
\"\"<\/div>\n

<\/ins><\/div>\n

Sipas Dumas, nj\u00eb nd\u00ebr arsyet \u00ebsht\u00eb mungesa e gar\u00ebs. Ajo argumenton se nuk lejohet gara askund dhe se sistemi politik, ka zhdukur mund\u00ebsin\u00eb q\u00eb t\u00eb garohet dhe t\u00eb fitohet.<\/p>\n

 <\/p>\n

\u201cMungon gara reale n\u00eb shkolla, mungon gara n\u00eb administrat\u00eb, gare p\u00ebr nj\u00eb vend pune, mungon gara e ndershme mes bizneseve, mungon gara p\u00ebr tu rritur n\u00eb nj\u00eb vend pune, mungon gara e mendimeve n\u00eb politik\u00eb, mungon dhe gara reale me zgjedhje t\u00eb lira mes partiv\u00eb dhe brenda partive politike\u2026. nj\u00eb munges\u00eb meritokracie q\u00eb prodhon mediokritet dhe ndalon zhvillimin e shoq\u00ebris\u00eb p\u00ebrvecse pamund\u00ebson rritjen e individit t\u00eb spikatur, te formuar!<\/p>\n

Kur mungon gara s\u2019ka pse t\u00eb p\u00ebrpiqesh , dhe pastaj faj\u00ebsojn\u00eb shqiptar\u00ebt pse nuk p\u00ebrpiqen, p\u00ebr \u00e7far\u00eb t\u00eb p\u00ebrpiqen\u2026.?!\u201d, thot\u00eb mes t\u00eb tjerash Grida Duma.<\/p>\n

\"grida<\/a><\/p>\n

\u201cNe\u201d \u2013 vazhdon ajo- \u201c do t\u2019i qajm\u00eb gjat\u00eb\u00a0 garuesit m\u00eb t\u00eb mir\u00eb, q\u00eb kemi humbuar, ata q\u00eb e kan\u00eb l\u00ebn\u00eb\u00a0 Shqip\u00ebrin\u00eb edhe duke pranuar q\u00eb ta nisin gar\u00ebn nga nj\u00eb nivel m\u00eb posht\u00eb, vet\u00ebm e vet\u00ebm q\u00eb t\u00eb provoheshin t\u2019ia dilnin. Shkuan atje ku nuk I njeh askush, ku nuk I pret askush, atje ku nuk njohin ndoshta as gjuh\u00ebn as kultur\u00ebn, por prap\u00eb shkojn\u00eb se kan\u00eb besim tek vetja\u00a0 se ia dalin; k\u00ebta njer\u00ebz kemi humbur ne! Ata q\u00eb ia dalin!<\/p>\n

Dhe nuk jam k\u00ebtu p\u00ebr t\u00eb folur vet\u00ebm p\u00ebr munges\u00ebn e gar\u00ebs n\u00eb votime, ajo \u00ebsht\u00eb vet\u00ebm maja e ajsbergut, mungesa e gar\u00ebs \u00ebsht\u00eb n\u00eb \u00e7do element t\u00eb jet\u00ebs, dhe madje duhet th\u00ebn\u00eb q\u00eb\u00a0 n\u00eb p\u00ebrgjith\u00ebsi nuk ka gar\u00eb n\u00eb vet\u00eb organizatat politike\u201d.<\/p>\n

\u200b\u200bE Pyetur \u00e7far\u00eb q\u00ebllimi ka n\u00eb politik\u00eb ajo p\u00ebrgjigjet:<\/strong><\/p>\n

\u200bKam vet\u00ebm nj\u00eb q\u00ebllim n\u00eb politik\u00eb jo nj\u00eb post, jo nj\u00eb status, por t\u00eb b\u00ebjm\u00eb t\u00eb mundur t\u00eb fitoj\u00eb grupi, shoq\u00ebria dhe Shqip\u00ebria, duke shtruar rrug\u00ebn p\u00ebr m\u00eb t\u00eb aft\u00ebt dhe duke b\u00ebr\u00eb rregulluar q\u00eb t\u00eb mos fitoj\u00eb vet\u00ebm nj\u00ebri! T\u00eb zhdukim kultur\u00ebn e nj\u00ebshit, \u201cun\u00eb jap un\u00eb marr un\u00eb v\u00eb n\u00eb heq\u201d kjo e\u00a0 ka shkat\u00ebrruar at\u00eb vend plot\u00ebsisht. Grupi, njer\u00ebz t\u00eb rinj q\u00eb marrin p\u00ebrgjegj\u00ebsi dhe bashk\u00ebpunojn\u00eb.<\/em><\/p>\n

\u2013 \u200bE Pyetur \u00e7far\u00eb defekti i njeh vetes\u00a0Duma thot\u00eb:<\/strong><\/p>\n

Shpesh i jap m\u00eb shum\u00eb koh\u00eb se duhet gjerave q\u00eb t\u00eb ndodhin, edhe kur e di mir\u00eb se si do t\u00eb ndodhin s\u00ebrish i l\u00eb koh\u00ebn t\u00eb tjer\u00ebve megjith\u00ebse mund edhe t\u00eb mos pres t\u00eb v\u00ebrtetohem.<\/em><\/p>\n

\u200b\u200b\u200bE Pyetur n\u00ebse Rama do ti ofronte nj\u00eb post ministror a do t\u00eb pranonte ajo p\u00ebrgjigjet:<\/strong><\/p>\n

Asnj\u00ebher\u00eb, zero absolute, kurr\u00eb, un\u00eb nuk kam p\u00ebr t\u00eb pranuar kurr\u00eb politik\u00ebn e pazareve. Besoj q\u00eb vendit I duhet nj\u00eb qeverisje thell\u00ebsisht e djatht\u00eb, besoj tek nevoja e rotacioneve por mendoj q\u00eb p\u00ebr nj\u00eb koh\u00eb t\u00eb gjat\u00eb ka nevoj\u00eb p\u00ebr nj\u00eb qeverisje t\u00eb djatht\u00eb q\u00eb ka n\u00eb qend\u00ebr individin shqiptar\u00a0 q\u00eb pasurohet\u00a0 nga puna e vet nj\u00eb ekonomi ku shteti nuk tremb as k\u00ebrc\u00ebnon as ndryshon taksat as b\u00ebn presion por leht\u00ebson dhe leht\u00ebson, se ekonomin\u00eb shqiptare e mban vet\u00ebm sip\u00ebrmarrja. Shteti vet\u00ebm vjel taksa nuk prodhon thuajse asgj\u00eb<\/em>.<\/p>\n

Prej disa muajsh Grida Duma ka komunikuar me publikun n\u00eb nj\u00eb m\u00ebnyr\u00eb\u00a0 unike me monologje socio politike q\u00eb jan\u00eb t\u00eb reja n\u00eb Shqip\u00ebri.<\/p>\n

Njihen si \u201cmotivational speech\u201d apo fjal\u00eb motivuese t\u00eb cilat ndiqen shum\u00eb dhe kan\u00eb vler\u00eb sepse nj\u00ebherazi tregojn\u00eb problemet reale por edhe shtyjn\u00eb n\u00eb zgjidhjen e tyre n\u00ebp\u00ebrmjet motivimit mendor.<\/p>\n