{"id":14395,"date":"2019-07-22T20:57:05","date_gmt":"2019-07-22T18:57:05","guid":{"rendered":"http:\/\/redaktori.com\/?p=14395"},"modified":"2019-07-22T20:57:05","modified_gmt":"2019-07-22T18:57:05","slug":"inaugurohet-pallati-i-drejtesise-gjonaj-jemi-ne-moment-historik-per-fatin-e-vendit","status":"publish","type":"post","link":"https:\/\/redaktori.com\/?p=14395","title":{"rendered":"Inaugurohet \u201cPallati i Drejt\u00ebsis\u00eb\u201d, Gjonaj: Jemi n\u00eb moment historik p\u00ebr fatin e vendit"},"content":{"rendered":"

Gjat\u00eb ceremonis\u00eb s\u00eb inaugurimit t\u00eb mjediseve t\u00eb reja t\u00eb \u201cPolit t\u00eb Drejt\u00ebsis\u00eb\u201d ministrja e Drejt\u00ebsis\u00eb Etilda Gjonaj b\u00ebr\u00eb nj\u00eb bilanc t\u00eb Reform\u00ebs n\u00eb Drejt\u00ebsi, tre vite nga ndryshimet kushtetuese t\u00eb miratuara unanimisht m\u00eb 22 Korrik 2016.<\/p>\n

Teksa foli p\u00ebr drejt\u00ebsin\u00eb e re, Gjonaj u shpreh se \u201clufta p\u00ebr ideimin, hartimin dhe miratimin e k\u00ebsaj reforme ka qen\u00eb e v\u00ebshtir\u00eb, por beteje pas beteje, ia dol\u00ebm. Ia dol\u00ebm p\u00ebr t\u2019iu dh\u00ebn\u00eb shqiptar\u00ebve nj\u00eb shprese t\u00eb re, p\u00ebr t\u00eb pasur drejt\u00ebsin\u00eb q\u00eb ata meritojn\u00eb, nj\u00eb drejt\u00ebsi t\u00eb drejt\u00eb dhe t\u00eb barabart\u00eb p\u00ebr t\u00eb gjith\u00eb. Ja dol\u00ebm p\u00ebr ti dh\u00ebn\u00eb Shqip\u00ebris\u00eb me k\u00ebt\u00eb reform\u00eb nj\u00eb mund\u00ebsi m\u00eb shum\u00eb p\u00ebr t\u00eb qen\u00eb nes\u00ebr me merit\u00eb, me dinjitet, plot\u00ebsisht t\u00eb barabart\u00eb n\u00eb fush\u00ebn e zbatimit t\u00eb ligjit si an\u00ebtare e ardhshme e familjes europiane.<\/p>\n

N\u00eb fjal\u00ebn e saj, Gjonaj n\u00ebnvizoi se ndaj Reform\u00ebs n\u00eb Drejt\u00ebsi \u00ebsht\u00eb ofruar mb\u00ebshtetje e vazhdueshme buxhetore p\u00ebr ta jet\u00ebzuar n\u00eb m\u00ebnyr\u00ebn e duhur.<\/p>\n

\u201cNdjehem e vler\u00ebsuar q\u00eb ndodhem n\u00eb funksionin e Ministres s\u00eb Drejt\u00ebsis\u00eb, n\u00eb k\u00ebt\u00eb moment tep\u00ebr t\u00eb r\u00ebnd\u00ebsish\u00ebm dhe historik p\u00ebr fatin e vendit, p\u00ebr shpresat dhe p\u00ebr t\u00eb ardhmen e tij. Sot jam k\u00ebtu jo si ish eksperte e grupit t\u00eb hartimit t\u00eb reform\u00ebs, por n\u00eb cil\u00ebsin\u00eb e Ministres s\u00eb Drejt\u00ebsis\u00eb. Para jush ndihem mir\u00eb q\u00eb Qeveria ku b\u00ebj pjes\u00eb dhe personalisht Kryeministri i vendit, Rama, i kan\u00eb dh\u00ebn\u00eb dje dhe vazhdojn\u00eb ti japin ende mb\u00ebshtetje aktive t\u00eb pakusht\u00ebzuar, procesit t\u00eb reformimit t\u00eb drejt\u00ebsis\u00eb shqiptare. Pak dit\u00eb m\u00eb par\u00eb, K\u00ebshilli i legjislacionit dhe Komisioni i ligjeve n\u00eb Kuvendin e Shqip\u00ebris\u00eb, nd\u00ebrmor\u00ebn t\u00eb fundit detyrim n\u00eb reflektim t\u00eb vendimit t\u00eb gjykat\u00ebs Kushtetuese duke i dh\u00ebn\u00eb KLGJ-s\u00eb dhe KLP-s\u00eb t\u00eb gjitha instrumentat ligjor\u00eb p\u00ebr t\u00eb ushtruar funksionin e tyre, me nj\u00eb kuad\u00ebr ligjor tashm\u00eb t\u00eb plot\u00ebsuar.<\/p>\n

N\u00eb m\u00ebnyr\u00eb t\u00eb vazhdueshme mb\u00ebshtetja buxhetore p\u00ebr Reform\u00ebn n\u00eb Drejt\u00ebsi ka qen\u00eb n\u00eb m\u00ebnyr\u00eb konstante e padiskutueshme n\u00eb programet tona buxhetore. Kryeministri i vendit, Qeveria shqiptare ka alokuar nj\u00eb buxhet tej mund\u00ebsive t\u00eb saj, por e bindur q\u00eb \u00ebsht\u00eb gj\u00ebja e duhur n\u00eb funksion t\u00eb jet\u00ebsimit t\u00eb reform\u00ebs n\u00eb drejt\u00ebsi, t\u00eb vet\u00ebdijsh\u00ebm se kjo ka nj\u00eb vler\u00eb t\u00eb shum\u00ebfisht\u00eb sot dhe nes\u00ebr p\u00ebr fatet e vendit; nj\u00eb investim jo vet\u00ebm p\u00ebr t\u00eb sotshmen, por p\u00ebr t\u00eb nes\u00ebrmen e f\u00ebmij\u00ebve tan\u00eb\u201d, \u2013 u shpreh Gjonaj.<\/p>\n

Duke iu drejtuar an\u00ebtar\u00ebve t\u00eb K\u00ebshillit t\u00eb Lart\u00eb Gjyq\u00ebsor si dhe K\u00ebshillit t\u00eb Lart\u00eb t\u00eb Prokuroris\u00eb, ministrja e Drejt\u00ebsis\u00eb garantoi se ndaj tyre dhe organeve t\u00eb reja q\u00eb do ngrihen do t\u00eb ket\u00eb mb\u00ebshtetje t\u00eb vazhdueshme sipas kushtetut\u00ebs dhe ligjit.<\/p>\n

\u201cJu siguroj se si an\u00ebtar\u00eb e qeveris\u00eb n\u00eb cil\u00ebsin\u00eb e Ministres s\u00eb Drejt\u00ebsis\u00eb, por nj\u00ebkoh\u00ebsisht dhe si koordinatore komb\u00ebtare antikorrupsion e konsideroj prioritet bashk\u00ebpunimin me ju, n\u00eb kufijt\u00eb e parashikuara nga kushtetuta dhe ligji. Pres me padurim q\u00eb luft\u00ebs kund\u00ebr korrupsionit t\u2019i bashkohen edhe institucionet e reja, t\u00eb SPAK-ut dhe BKH-s\u00eb, si institucionet ky\u00e7, q\u00eb shpresoj fort, do t\u00eb sh\u00ebnojn\u00eb kthes\u00ebn e duhur n\u00eb betej\u00ebn kund\u00ebr pand\u00ebshkueshm\u00ebris\u00eb ndaj fenomenit t\u00eb korrupsionit nd\u00ebr vite\u201d, \u2013 tha Gjonaj.<\/p>\n