{"id":11483,"date":"2019-05-11T21:25:26","date_gmt":"2019-05-11T19:25:26","guid":{"rendered":"http:\/\/redaktori.com\/?p=11483"},"modified":"2019-05-11T21:25:26","modified_gmt":"2019-05-11T19:25:26","slug":"miqesi-sublime-kur-lasgush-poradeci-i-shkruante-mitrush-kutelit","status":"publish","type":"post","link":"https:\/\/redaktori.com\/?p=11483","title":{"rendered":"Miq\u00ebsi sublime\/ Kur Lasgush Poradeci i shkruante Mitrush Kutelit"},"content":{"rendered":"
\n

NJ\u00cb POEM\u00cb P\u00cbR MIQ\u00cbSIN\u00cb SUBLIME<\/p>\n

Let\u00ebr e Lasgush Poradecit p\u00ebr Dhimit\u00ebr Paskon \u2013 Mitrush Kutelin (Graz, 22 shkurt 1930)<\/span><\/p>\n

\u201cSot m\u00eb zot\u00ebron shpirtin letra jote e dyt\u00eb. N\u00eb at\u00eb let\u00ebr ti m\u00eb lajm\u00ebron, i dashur Dhimitraq, se ke n\u00eb m\u00ebnt t\u00eb vish k\u00ebsaj vere n\u00eb Poradec: Pra zemra ime u sh\u00ebrua. Pas dhjet\u00eb vjet\u00ebsh humbje, do kem gazin e bukur t\u00eb t\u00eb shoh prap\u00eb, t\u00eb shihemi prap\u00eb\u2026<\/p>\n

I shtrent\u00eb Dhimitraq, mir\u00eb, shum\u00eb mir\u00eb do b\u00ebsh, do k\u00ebputnja nj\u00eb cop\u00eb qiell, do sbrisnja disa yj t\u00eb ndritur e t\u00eb leht\u00eb mi balt\u00ebn q\u00eb na r\u00ebndon kaq brutal\u00ebrisht n\u00eb shpirt, sikur ta vinje n\u00eb vep\u00ebrim at\u00eb m\u00ebndje, at\u00eb q\u00ebllim aq t\u00eb shenjt\u00ebruar\u2026
\nEja, pra, dhe mos u vono aspak! Llazari t\u00eb pret me krah\u00ebt hapur. Kur t\u00eb piqemi, kur t\u00eb t\u00eb puth n\u00eb ball\u00eb, jo vet\u00ebm njer\u00ebzia do \u00e7uditen, jo vet\u00ebm gur\u00ebt do dridhen, po dhe Zoti vet\u00eb m\u00eb t\u00eb madh t\u00eb Tija, do t\u2019a b\u00ebj\u00eb buz\u00ebn n\u00eb gas\u2026 Do t\u2019a b\u00ebj\u00eb buz\u00ebn n\u00eb gas, sepse me pjekjen t\u2019on\u00eb do ndjej\u00eb dhe Ay, nj\u00eb Tep\u00ebr-Lumt\u00ebri, me gjith q\u00eb vet\u00ebm p\u00ebr nj\u00eb moment, se Drita q\u00eb Ay pati ndezur p\u00ebr ndritjen, shp\u00ebtimin, lumt\u00ebrimin e s\u00eb KEQES njer\u00ebz\u00ed nuk e ka shterur mburimin fare\u2026<\/p>\n

Eja pra i dhemshur shok sa m\u00eb shpejt Atje ku e ka urdh\u00ebruar Zoti q\u00eb t\u00eb piqemi bashk\u00eb. Eja t\u2019a vrasim DJALLIN e Shqip\u00ebris\u00eb, e shqip\u00ebtar\u00ebve. Do m\u00eb gjesh atje, q\u00eb n\u00eb dit\u00ebn e par\u00eb, buz\u00eb liqerit t\u2019on\u00eb t\u00eb adhuruar. Do m\u00eb gjesh, ashtu si\u00e7 e di, ashtu sikund\u00ebr t\u00eb isha vetja jote vet\u00eb: shpirt i vet\u00ebm i etuar p\u00ebr Drit\u00eb dhe p\u00ebrparim, dyke patur rreth e p\u00ebrqark sk\u00ebterr\u00ebn, prapanik\u00ebrin\u00eb, trurin e \u00e7uknavitur t\u00eb nj\u00eb v\u00ebndi, t\u00eb nj\u00eb populli t\u00eb mjer\u00eb po t\u00eb dashur, i cili po b\u00ebn M\u00cbKAT\u00cbN, sepse NUK DI \u00c7\u2019B\u00cbN\u2026 Eja t\u2019i themi at\u00eb q\u00eb kemi p\u00ebr t\u2019i th\u00ebn\u00eb\u2026\u201d<\/p>\n

(Lasgush Poradeci, Vepra IV. Korrespondenc\u00eb Lasgush Poradeci \u2013 Mitrush Kuteli. P\u00ebrgatitur p\u00ebr shtyp nga vajzat e Poetit, Kostandina Gusho dhe Maria Gusho. Sht\u00ebpia Botuese albPAPER, Tiran\u00eb, 2010, f. 27-28\/ Let\u00ebr e p\u00ebrzgjedhur nga Prof. K. Jorgo)<\/p>\n

<\/div>\n<\/div>\n